კალათბურთი / NBA /
ჯორდანი თუ ლებრონი?! გულშემატკივრებმა არჩევანი გააკეთეს
05/18/2020 13:36
221
  • შესაძლოა ამას ბევრი არ დაეთანხმოს
  • ლებრონი დაიჩაგრა?!

ESPN-ის მიერ ჩატარებული გამოკითხვის შედეგად, NBA-ს გულშემატკივართა 73 პროცენტის აზრით, მაიკლ ჯორდანი ლებრონ ჯეიმსზე უკეთესი კალათბურთელია. აღსანიშნავია, რომ გამოიკითხა 600 გულშემატკივარი და ისინი თანაბრად 18-34 და 35 წლის შემდეგ ასაკობრივ ჯგუფებში გაიყვნენ.

ჩიკაგო ბულსის ლეგენდას, 35 და უფროსი ასაკის თაყვენისმცემელთა 79 პროცენმა, ხოლო 18-34 წლის გულშემატკივართა 66 პროცენტმა დაუჭირა მხარი.

უფრო მეტიც, მაიკლმა "მეფეს" კონკრეტულ კითხვარშიც აჯობა, სადაც მონაწილეებს სთხოვეს, მათი ინდივიდუალური უნარები შეადარებინათ:


უკეთესი ბურთის ფლობა: ჯორდანი 77% ; ლებრონი 23%.

თამაშის გადამწყვეტი სროლა: ჯორდანი 76% ; ლებრონი 24%.
სანახაობრივი თამაში: ჯორდანი 74% ; ლებრონი 26%.
უკეთესი მოთამაშე: ჯორდანი 73% ; ლებრონი 27%.
გაიმარჯვებდა ერთი-ერთზე: ჯორდანი 67% ; ლებრონი 33%.
გუნდის შექმნისას აირჩევდით: ჯორდანი 66% ; ლებრონი 34%.
უკეთესი შემტევი: ჯორდანი 65% ; ლებრონი 35%.
აირჩიე თანაგუნდელი: ჯორდანი 63% ; ლებრონი 37%.
პოზიტიური გავლენა მოედნის გარეთ: ჯორდანი 62% ; ლებრონი 38%.
უკეთესი მცველი: ჯორდანი 59% ; ლებრონი 41%.
უკეთესი მეპასე: ჯორდანი 59% ; ლებრონი 41%.

ალბათ ამას ბევრ რამეში ლებრონის ქართველი გულშემატკივრები არ დაეთანხმებიან და რიგ შემთხვევებში შეიძლება მართლებიც იყვნენ, თუმცა გამოკითხვამ კარგად აჩვენა, რომ ჯორდანის გავლენა NBA-ში უდიდესია.

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის ყველაზე მეტი 1 527 951 შემთხვევაა დაფიქსირებული, 90 980 პაციენტი გარდაიცვალა, ხოლო 346 389-მა ადამიანმა კი ვირუსი დაამარცხა.

კორონავირუსი უკვე დაამარცხა იუტა ჯაზის ყველა ინფიცირებულმა სპორტსმენმა, ლოს-ანჯელეს ლეიკერსის და ბრუკლინ ნეთსის მოთამაშეებმა, დეტროიტ პისტონსის ფორვარდმა კრისტიან ვუდმა, ასევე ბოსტონ სელტიკსის მცველმა მარკუს სმარტმა.

ასევე იხილეთ: ESPN-მა ყველა დროის საუკეთესოთა სია წარმოადგინა...

#Flashscore