ქართული სპორტი / ქართული რაგბი /
VIDEO | დიმიტრი იაშვილი – ბიარიცის მეფე
05/19/2020 15:10
131
Loading the player...

რამდენიმე დღის წინ, გამოცემა Midi-Olympique–ის ვებ–გვერდზე დიმიტრი იაშვილის შესახებ, საკმაოდ საინტერესო სტატია განთავსდა, რომლის სახელწოდებაც გახლავთ: "იაშვილი – ბიარიცის მეფე".

რაგბის გულშემატკივრებმა კარგად იციან, რომ დიმიტრი იაშვილი საფრანგეთის ნაკრების ერთ–ერთი ყველაზე გამორჩეული ცხრა ნომერი გახლდათ. ის ბიარიცის ღირსებას 2002–2014 წლებში იცავდა და 289 შეხვედრაში 3053 ქულის მოპოვება შეძლო, ხოლო ეროვნული ნაკერბის მაისური 2002–2012 წლებში მოირგო და 60 მატში თავის გუნდს 373 ქულა მოუტანა.

ცნობილია, რომ დიმიტრი იაშვილის ბაბუა, საფრანგეთში საცხოვრებლად მეორე მსოფლიო ომის შემდეგ გადავიდა და დიმიტრის მამა, მიშელი, ასევე გამოდიოდა საფრანგეთის ნაკრების შემადგენლობაში. თავად დიმიტრი კი 1980 წლის 19 სექტემბერს დაიბადა.

ზემოთხსენებულ სტატიაში 2012 წლის მატჩი გაიხსენეს, როცა 18 მაისს, ჩელენჯ თასის ფინალში ერთმანეთს ბიარიცი და ტულონი დაუპირისპირდნენ. სწორედ იმ დღეს, ბასკებმა პირველი ევროპული ტიტული მოიგეს. მეტოქე 21:18 დაამარცხეს და რაც მთავარია, ბიარიცის გამარჯვება დიდწილად სწორედ დიმიტრი იაშვილმა განაპირობა, რომელმაც ზუსტად შეასრულა შვიდი ჯარიმა და 21–ვე ქულა თავის გუნდს მან მოუტანა.

ბენუა ოგუსტი: "თამამად შემიძლია გითხრათ, რომ დიმიტრი იაშვილი ყველაზე ნიჭიერი მორაგბეა, ვისთან ერთადაც ოდესმე მითამაშია. მას საოცარი ალღო ჰქონდა, რაც მის წარმატებას განაპირობებდა".

"მართალია, გუნდის წარამტება მხოლოდ ერთი მოთამაშეზე არ არის დამოკიდებული, თუმცა უნდა ვაღიაროთ, რომ დიმიტრიმ ტულონს პრაქტიკუად მარტო მოუგო. ბიარიცი მასთან ერთად და მის გარესე სრულიად სხვადასხვა გუნდი იყო", – დელმა.

ასევე იხილეთ: გურამ გოგიჩაშვილს გულშემატკივრების დახმარება სჭირდება!

#Flashscore