სხვა / ფორმულა 1 /
ტოდტი: "მის მომავალ გუნდს ძალიან გაუმართლებს"
05/20/2020 12:49
116
  • FIA-ს პრეზიდენტის ფეტელის მომავალს გამოეხმაურა
  • ტოდტი მიიჩნევს, რომ სება მომავალშიც ფორმულა 1-ის წევრი იქნება

საერთაშორისო საავტომობილო ფედერაციის (FIA) პრეზიდენტი, ჟან ტოდტი სებასტიან ფეტელის ფერარიდან წასვლას გამოეხმაურა და ასევე, აღნიშნა, რომ გერმანელი მომავალი წლიდან კვლავ ფორმულა 1-ის წევრი იქნება.

"ასეთ დროს პოზიტიური განწყობაა საჭირო. ფეტელი ავტოსპორტის ისტორიაში ერთ-ერთი გამორჩეული და დიდებული ფიგურაა. ფერარიმ განაცხადა, რომ ის 2020 წლის შემდეგ, მათი გუნდს დატოვებს, მაგრამ არის სხვა ბევრი ვარიანტიც. სებას ყველაფერს საუკეთესოს ვუსურვებ, ამას გულწრფელად ვამბობ.

იმ გუნდს, რომელსაც სება შეუერთდება ძალიან გაუმართლებს. ყველაფერი შესაძლებელია, მომავალში ის FIA-ს კარგი პრეზიდენტი იქნებოდა".

ასევე, FIA-ს პრეზიდენტმა ფეტელის ეპოქა მიხაელ შუმახერისას შეადარა, როდესაც სკუდერია ფერარის თავად ტოდტი ხელმძღვანელობდა.

"მიხაელთან ერთად დიდ წარმატებას იმიტომ მივაღწიეთ, რომ ერთი გუნდი ვიყავით და ერთმანეთს მხარს ვუჭერდით - განსაკუთრებით მძიმე პერიოდში. როდესაც ყველაფერი კარგად გამოგდის, ერთ გუნდად ყოფნაც ძალიან მარტივია. როდესაც შტორმი გვიტევდა, ყველანი ერთ ნავში ვისხედით - უფრო სწორად, ერთ ბოლიდში", - ტოდტის სიტყვებს Sky Sports ციტირებს.

შეგახსენებთ, რომ 2020 წლის სეზონის ბოლოს ფორმულა 1-ის ოთხგზის ჩემპიონი, სებასტიან ფეტელი ფერარის დატოვებს და მის ადგილს ახალგაზრდა ესპანელი მრბოლელი, კარლოს საინსი დაიკავებს.

 

ასევე იხილეთ: უებერმა ფეტელის გადაწყვეტილებაზე ისაუბრა

 

 

#Flashscore