კალათბურთი / NBA /
მეჯიქ ჯონსონი: "ეს ხუთეული ჩემს ერაშიც ვარსკვლავები იქნებოდნენ"
05/20/2020 13:40
203
  • მეჯიქ ჯონსონმა ხუთეული დაასახელა
  • ისინი იმ დროსაც ვარსკვლავები იქნებოდნენ

ბოლო დროს ბევრი საუბრობს იმაზე, რას იზამდნენ NBA-ს დღევანდელი მოთამაშეები 20-30 წლის წინ. ლოს ანჯელეს ლეიკერსის ლეგენდა მეჯიქ ჯონსონი თვლის, რომ რამდენიმე მოთამაშე იმ დროშიც იგივე დონეზე იქნებოდა.

დიდების დარბაზის წევრს ჰკითხეს, იმ ეპოქაში რომელშიც მან და მაიკლ ჯორდანმა ითამაშეს, რომელი ხუთი მოქმედი მოთამაშე იქნებოდა ვარსკვლავი, მან ასეთებად ლებრონ ჯეიმსი, კევინ დურანტი, სტეფ კარი, ენტონი დევისი და იანის ანტეტოკუნმპო დაასახელა.

მეჯიქმა პირველად და უკონკურენტოდ ლებრონი დაასახელა, ხოლო დურანტზე დასძინა: "ეჭვგარეშეა, რომ ბიჭი ნებისმიერ ეპოქაში შესანიშნავი იქნებოდა."

ზოგიერთი სტეფ კარის იმ ეპოქაში თამაშის პერსპექტივას ეჭვქვეშ აყენებს, მათი აზრით ზედმეტად ფიზიკურ გარემოში გოლდენ სტეიტის ლიდერს გაუჭირდებოდა, მათ შორისაა შაკილ ო’ნილი, თუმცა ჯონსონის აზრით ის კვლავ ისეთივე კარგად ისროდა და თავის უპირატესობას იდეალურად გამოიყენებდა.

ბოლოს, დევისსა და ანტეტოკუნმპოზე დასძინა: "ნამდვილად შეეძლოთ ეთამაშა იმ ეპოქაში, რომელშიც მე ვიყავი."

სამართლიანობისთვის უნდა ითქვას, რომ მათი ზომისა და უნარიანობის კომბინაციით, ძნელია ამ შეფასებაზე ვიკამათოთ.

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის ყველაზე მეტი 1 527 951 შემთხვევაა დაფიქსირებული, 90 980 პაციენტი გარდაიცვალა, ხოლო 346 389-მა ადამიანმა კი ვირუსი დაამარცხა.

კორონავირუსი უკვე დაამარცხა იუტა ჯაზის ყველა ინფიცირებულმა სპორტსმენმა, ლოს-ანჯელეს ლეიკერსის და ბრუკლინ ნეთსის მოთამაშეებმა, დეტროიტ პისტონსის ფორვარდმა კრისტიან ვუდმა, ასევე ბოსტონ სელტიკსის მცველმა მარკუს სმარტმა.

ასევე იხილეთ: ESPN-მა ყველა დროის საუკეთესოთა სია წარმოადგინა...

#Flashscore