კალათბურთი / NBA /
პოლ პირსმა ყველა დროის საუკეთესო ხუთეული დაასახელა - იქ ლებრონი არ არის!
05/21/2020 11:14
676
  • პირსმა ლებრონი არ გამოარჩია
  • ბოსტონის ლეგენდას ბევრი არ დაეთანხმება

ბოსტონ სელტიკსის ლეგენდა პოლ პირსი არ თვლის, რომ ლებრონ ჯეიმსი NBA-ს საუკეთესო მოთამაშეთა საუკეთესო ხუთეულში შედის.

პირსმა, რომელიც ახლა ანალიტიკოსია, ESPN-თან საუბარში ყველა დროის ტოპ ხუთეული დაასახელა. მან არჩევანი მაიკლ ჯორდანის, კარიმ აბდულ-ჯაბარის, ბილ რასელის, მეჯიქ ჯონსონის და გარდაცვლილი კობი ბრაიანტის სასარგებლოდ შეაჩერა, ხოლო ლებრონის ადგილი ვერ გამონახა.

სანამ NBA-ს სეზონი კორონავირუსის პანდემიის გამო შეჩერდებოდა, ჯეიმსი MVP-ის ჯილდოს მოპოვების წამყვან კანდიდატთა შორის მოიაზრებოდა. მანამდე 17 წლიანმა ვეტერანმა ეს ჯილდო კარიერაში ოთხჯერ მოიპოვა.

ამ სეზონში, ის NBA-ს მესამე დროის ყველა დროის საუკეთესო ბომბარდირი გახდა და კობი ბრაიანტს გადაასწრო.

რაც შეეება პირსს, მან NBA-ში 19 სეზონი ითამაშა, აქედან 15 კელტების შემადგენლობაში გაატარა. ის 10-ჯერ დაასახელეს ყველა ვარსკვლავის მატჩის მონაწილედ.

Top 5 Moments of the Paul Pierce-LeBron James Rivalry | Boston.com

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის ყველაზე მეტი 1 527 951 შემთხვევაა დაფიქსირებული, 90 980 პაციენტი გარდაიცვალა, ხოლო 346 389-მა ადამიანმა კი ვირუსი დაამარცხა.

კორონავირუსი უკვე დაამარცხა იუტა ჯაზის ყველა ინფიცირებულმა სპორტსმენმა, ლოს-ანჯელეს ლეიკერსის და ბრუკლინ ნეთსის მოთამაშეებმა, დეტროიტ პისტონსის ფორვარდმა კრისტიან ვუდმა, ასევე ბოსტონ სელტიკსის მცველმა მარკუს სმარტმა.

ასევე იხილეთ: ჯორდანი თუ ლებრონი?! გულშემატკივრებმა არჩევანი გააკეთეს

#Flashscore