სხვა / ფორმულა 1 /
რენო მერსედესის პილოტთან მოლაპარაკებებს აწარმოებს
05/21/2020 21:27
109
  • დიდი ალბათობით ბოტასი მერსედესს დატოვებს
  • ფინელი მოლაპარაკებებს რენოსთან აწარმოებს

მერსედესის პილოტი, ვალტერი ბოტასი დიდი ალბათობით გერმანულ გუნდს დატოვებს და კარიერას რენოში გააგრძლებს. ფინელ მრბოლელს სეზონის ბოლოს კონტრაქტი ეწურება და გახანგრძლივების თაობაზე ჯერჯერობით არანაირი სიახლე არ გავრცელებულა.

Motorsport-total-ის მიერ გავრცელებული ინფორმაციით, რენოს ხელმძღვანელი, სირილ აბიტებული უკვე შეხვდა ბოტასის მენეჯერს, დიდიე კოტონს, რომელიც ასევე, მერსედესის გუნდის აღმასრულებელი დირექტორის, ტოტო ვოლფის ბიზნეს-პარტნიორია. 

ასევე, იტალიურ მედიაში გაჟღერდა ინფორმაცია იმასთან დაკავშირებით, რომ უილიამსის პილოტი, ჯორჯ რასელი 2021 წლიდან მერსედესის საჭეს ვალტერი ბოტასის ნაცვლად მიუჯდება.

ამასთანავე, არსებობს ცნობები იმასთან დაკავშირებით, რომ რენო ფორმულა 1-ის ორგზის მსოფლიო ჩემპიონის, ფერნანდო ალონსოს კანდიდატურითაც არის დაინტერესებული.

შეგახსენებთ, ფორმულა 1-ის 2020 წლის სეზონის საწყისი 10 ეტაპი გაუქმდა ან გადაიდო. 7 გრან პრი, რომლებიც ჩინეთში, ბაჰრეინში, ვიეტნამში, ნიდერლანდებში, ესპანეთშიაზერბაიჯანსა და კანადაში უნდა გამართულიყო, გაურკვეველი ვადით იქნა გადატანილი. ხოლო, ავსტრალიის, მონაკოსა და საფრანგეთის ეტაპები საერთოდ გაუქმდა.

ბოლოს გავრცელებული ინფორმაციით, ფორმულა 1-ის 2020 წლის სეზონი სტარტს 3-5 ივლისს, ავსტრიის გრან პრით აიღებს. ასევე უკვე გადაწყვეტილია, რომ ყველა რბოლა დახურულ კარს მიღმა, გულშემატკივრის გარეშე გაიმართება.

 

ასევე იხილეთ: ტოდტი: "მის მომავალ გუნდს ძალიან გაუმართლებს"

 

 

 

#Flashscore