კალათბურთი / ევროლიგა /
საბერძნეთის ლიგა ნაადრევად დასრულდა
05/21/2020 23:48
169
  • საბერძნეთში საკალათბურთო სეზონი დასრულდა
  • ჩემპიონის ტიტული პანათინაიკოსს გადაეცა

საბერძნეთის საკალათბურთო ლიგის გადაწყვეტილებით, 2019/20 წლების სეზონი კორონავირუსის პანდემიის გამო, ნაადრევად დასრულებულად გამოცხადდა. 

პანათინაიკოსი, რომელიც გათამაშების ცხრილს ჩემპიონატის შეჩერებამდე ლიდერობდა, ჩემპიონად გამოცხადდა. პაომ უახლოეს მდევარს, აეკს 2 ქულით გაასწრო და ქვეყნის ჩემპიონის ტიტული 38-ედ მოიპოვა.

ასევე, ლიგის საბჭოს გადაწყვეტილებით, არისი და პაოკი, რომლებიც გასავარდნ ზონაში იმყოფებოდნენ, არ დაქვეითდებიან და მომდევნო სეზონსაც უმაღლეს დივიზიონში გაატარებენ.

მოსალოდნელია, რომ საბერძნეთის ლიგაში 2020/21 წლების სეზონისთვის გუნდების რაოდენობა 16-მდე გაიზრდება.

ბოლო მონაცემებით საბერძნეთში კორონავირუსით დაინფიცირების 2 853 ფაქტია დადასტურებული, საიდანაც 1 374 ადამიანი გამოჯანმრთელდა, ხოლო 168 შემთხვევა ლეტალურად დასრულდა.

 

ასევე იხილეთ: ACB | 2020/21 წლების სეზონი პლეი ოფის გარეშე

 

 

#Flashscore