კალათბურთი / NBA /
ბრუკლინ ნეთსს ვაშინგტონ ვიზარდსის ვარსკვლავი სურს
05/22/2020 12:18
103
  • ბრუკლინელები გუნდის გაძლიერებაზე ფიქრობენ
  • დედაქალაქელები შეთავაზებაზე უნდა დაფიქრდნენ

ბრუკლინ ნეტსმა გასულ ზაფხულს ორი სუპერვარსკვლავი კევინ დურანტი და კაირი ირვინგი დაიმატა. ამან გუნდი ძალიან გააძლიერა, თუმცა როგორც ჩანს ნიუ იორკელებს დუეტი არ აკმაყოფილებთ და ტრიოს შექმნას აპირებენ.

New York Daily News-ის რეპორტიორი სტივენ ბონდის ინფორმაციით, ბრუკლინები კარგა ხანია შიდა დისკუსიებს მართავენ იმის შესახებ, თუ როგორ უნდა მოახერხონ ვაშინგტონის ვიზარდსის ვარსკვლავის ბრედლი ბილის დამატება, რათა გუნდმა დიდი სამეული შეკრას.

აღსანიშნავია, რომ დედაქალაქელებმა ბილს კონტრაქტი სულ ცოტა ხნის წინ გაუგრძელეს, ის ორწლიანია და ამ დროში 72 მილიონ დოლარს მიიღებს. თუმცა არსებობს რამდენიმე ფაქტორი, გუნდის სახელფასო ჭერი გადატვირთულია (გასათვალისწინებელია ჯონ უოლის 170 მილიონიანი კონტრაქტიც) და გუნდს საშინელი მოგება/წაგებათა (24-40) ბალანსი აქვს.

სახელფასო ჭერის განტვირთვა დასჭირდება ნეთსსაც, რომელიც ამის გამო იძულებული იქნება ძვირადღირებულ მოთამაშეებს შეელიოს, როგორებიც სპენსერ დინვიდი, კარის ლევერტი ანაც ჯარეტ ალენი არიან.

თავის მხრივ ბრედლის დიდად არ სურს ვაშინგტონის დატოვება, რაზეც მისი კომენტარი მეტყველებს: ”მეზიზღება ცვლილებები. თუ ეს მოხდება ვერაფერს ვიზამ, მაგრამ თუ ამის კონტროლი შემეძლება, კარიერის დავამთავრებას ვაშინგტონში ვისურვებდი”, - განუცხადა ბილმა ESPN-ს.

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის ყველაზე მეტი 1 527 951 შემთხვევაა დაფიქსირებული, 90 980 პაციენტი გარდაიცვალა, ხოლო 346 389-მა ადამიანმა კი ვირუსი დაამარცხა.

კორონავირუსი უკვე დაამარცხა იუტა ჯაზის ყველა ინფიცირებულმა სპორტსმენმა, ლოს-ანჯელეს ლეიკერსის და ბრუკლინ ნეთსის მოთამაშეებმა, დეტროიტ პისტონსის ფორვარდმა კრისტიან ვუდმა, ასევე ბოსტონ სელტიკსის მცველმა მარკუს სმარტმა.

ასევე იხილეთ: პოლ პირსმა ყველა დროის საუკეთესო ხუთეული დაასახელა - იქ ლებრონი არ არის!

 

#Flashscore