ჩოგბურთი / ATP /
დიდი მუზარადების ოთხგზის ჩემპიონი 83 წლის ასაკში გარდაიცვალა
05/22/2020 15:34
93
  • აშლი კუპერი გარდაიცვალა
  • ავსტრალიელის აქტივში დიდი მუზარადის ტურნირის 4 ტიტულია

საჩოგბურთო სამყარო სამწუხარო ინფორმაციამ მოიცვა. 83 წლის ასაკში ავსტრაიელი ჩოგბურთელი, ეშლი კუპერი გარდაიცვალა.

კუპერი საჩოგბურთო კორტებზე 1953 - 1962 წლებში გამოდიოდა და ჯამში 27 ტიტულის მოგება შეძლო. 1957 წელს ავსტრალიელმა თავისი პირველი დიდი წარმატება იზეიმა და საშინაო ასპარეზზე ავსტრალიის ღია პირველობა მოიგო.

ერთი წლის შემდეგ, ეშლიმ ჰეთ-თრიკი გაიფორმა. ის ავსტრალიის ღია პირველობის, აშშ-ს ღია პირველობისა და უიმბლდონის ტრიუმფატორი გახდა.

ერთადერთი დიდი ტურნირი, რომელიც კუპერს არ მოუგია, საფრანგეთის ღია პირველობაა, სადაც იგი ზედიზედ სამჯერ, 1956-58 წლებში ნახევარფინალებში დამარცხდა. 

ასევე, უნდა აღინიშნოს, რომ ავსტრალიელი ჩოგბურთელი წყვილთა თანრიგში 4-გზის გრანდ სლემის გამარჯვებულიც არის (ავსტრალია 1958 წ. როლან გაროსი 1957-58 და US Open 1957 წ.) 

1991 წლიდან ეშლი კუპერი საერთაშორისო ჩოგბურთის დიდების დარბაზის წევრია.

 

ასევე იხილეთ: ლეკონტი: "ფედერერი ჯეიმს ბონდივით არის"

 

 

#Flashscore