ჩოგბურთი / ATP /
მოია: "მალიორკელი ბიჭის ასეთ წარმატებას არავინ ელოდა"
05/22/2020 16:27
89
  • მოიამ ნადალის წარმატებაზე ისაუბრა
  • "ჩვენ კუნძულელ წყნარ ბიჭებს გვეძახიან"

რაფაელ ნადალის მწვრთნელმა, კარლოს მოიამ თავისი შეგირდის მიღწევებზე ისაუბრა და მისი წარმატების "საიდუმლო" გაამხილა.

"ვფიქრობ, ასეთ სპორტსმენად უნდა დაიბადო. რა თქმა უნდა ცხოვრებაში ბერი რაღაც შეიძლება ისწავლო. რაფამ რაღაცები ისწავლა, რაღაც ასპექტში მოუმატა და საბოლოოდ დიდბულ მოთამაშედ ჩამოყალიბდა. მას კარგი ბაზა აქვს, ოჯახში პროფესიონალი სპორტსმენები ჰყავს და ამანაც გარკვეული როლი ითამაშა.

თუ ყველაფრის სწავლა იქნება შესაძლებელი, ძალაინ ბევრი იქნებოდა რაფას მსგავსი, მაგრამ ამ ეტაპზე ეს შეუძლებელია და მისნაირი არავინ არის. გასაოცარია, რომ ასე მოხდა, რადგან არავინ ელოდა მალიორკელი ბიჭის ასეთ წამატებას, რომელმაც დიდი მუზარადის 19 ტიტული მოიგო. პირადად ჩემთვის გასაკვირი ის იყო, რომ მან უიმბლდონის გათამაშებაც მოიგო. 

მალიორკა მშვიდი კუნძულია. ჩვენ "კუნძულელ მშვიდ ბიჭებს" გვეძახიან და ასეთი ატმოსფეროს გამო ყველაფერს მშვიდად ვუდგებით. ვფიქრობ, რაფაც ასეთივეა, მაგრამ როგორც კი კორტზე გადის მონსტრად იქცევა, 100 პროცენტზე მეტად იხარჯება, არასოდეს ნებდება და ყოველთვის ბოლომდე იბრძვის. რომც მარცხდებოდეს, ცდილობს მაყურებელს თავისი შესაძლებლობების მაქსიმუმი აჩვენოს. ასე კი ბევრს ნამდვილად არ შეუძლია. ჩემი აზრით კუნძული და მისი ბუნება რაფაზე გარკვეულ გავლენას ახდენს", - მოიას სიტყვებს Eurosport ციტირებს.

შეგახსენებთ, რომ ATP-ს რეიტინგის მეორე ჩოგნის აქტივში გრანდ სლემების 19 ტიტულია. მატადორი როლან გაროსის 12-გზის, ავსტრალიის ღია პირველობის ერთგზის, უიმბლდონის ორგზის და US Open-ის 4-გზის გამარჯვებულია.

 

ასევე იხილეთ: დიდი მუზარადების ოთხგზის ჩემპიონი 83 წლის ასაკში გარდაიცვალა

 

 

#Flashscore