ფეხბურთი / პრემიერლიგა /
არსენალის გულშემატკივრებს ხარჯები აუნაზღაურდებათ
05/22/2020 20:55
129
  • მანჩესტერს არსენალმაც მიბაძა
  • "მეთოფეებმა" გულშემატკივრებს თანხა დაუბრუნა

ლონდონის არსენალი გულშემატკივრებს ბილეთებზე დახარჯულ ფულს აუნაზღაურებს. აღნიშნულ ინფორმაციას კლუბის ოფიციალური გვერდი ავრცელებს.

ყველა ის გულშემატკივარი, რომელსაც პრემეირ ლიგაში დარჩენილი 10 შეხვედრიდან, რომელიმე მატჩის ბილეთი მაინც ჰქონდა წინასწარ ნაყიდი, გადახდილი თანხა უკან დაუბრუნდება. 

შეგახსენებთ, რომ კორონავირუსის პანდემიის გამო, ბევრ სხვა სპორტულ ღონისძიებასთან ერთად, პრემიერ ლიგაც შეწყდა. ჩემპიონატის განახლების შემთხვევაში, შეხვედრები დახურულ კარს მიღმა გაიმართება. სწორედ ამიტომ ზოგიერთმა კლუბმა გულშემატკივრებს ბილეთებში დახარჯული ფული აუნაზღაურა. "მეთოფეთა" მსგავსად, პრემიერ ლიგური კლუბებიდან ქომაგებს ფული, მანჩესტერ იუნაიტედმა, ტოტენჰემმა და ევერტონმაც დაუბრუნა.

ცნობისთვის, ოფიციალური მონაცემებით, დიდ ბრიტანეთში COVID-19-ის 255 533 შემთხვევა დაფიქსირდა. ინფიცირებულთაგან კი 36 475 ადამიანი გარდაიცვალა.

 

ასევე იხილეთ: მსაჯთან კამათი და სხვა | - ცვლილებები სერია ა-ს ახალ პროტოკოლში

#Flashscore