ფეხბურთი / პრემიერლიგა /
კანტემ, შესაძლოა, სეზონის დარჩენილი ნაწილი გამოტოვოს
05/22/2020 21:39
118
  • ნ'გოლო კანტე ძალიან შეშინებულია
  • ფრანგმა ფეხბურთელმა, შესაძლოა, სეზონის დარჩენილი ნაწილი გამოტოვოს

პრემიერ ლიგის განახლების შემთხვევაში, ნ'გოლო კანტემ, შესაძლოა, სეზონის დარჩენილი ნაწილი სრულად გამოტოვოს. აღნიშნულ ინფორმაციას Skysports ავრცელებს.

როგორც იცით, კლუბებს საწვრთნელ ბაზაზე მომზადების უფლება დართეს და გამონაკლისი არც ჩელსი გახლდათ. 

"არისტოკრატების" გუშინდელ ვარჯიშზე, ფრანგმა ფეხბურთელმა კორონავირუსით გამოწვეული შიშის გამო, თანაგუნდელებთან ერთად საწვრთნელი პროცესების გაგრძელება არ ისურვა და ხელმძღვანელებს დაეთხოვა. ფრენკ ლამპარდს და კლუბის სხვა წარმომადგენლებს ნ'გოლოსთვის უარი არ უთქვამთ. 

29 წლის ფეხბურთელმა 2018 წლის მუნდიალის წინ, ძმა დაკარგა, რომელიც ინფარქტით გარდაიცვალა. გარდა ამისა, წარსულში ფეხბურთელი, ერთ-ერთ ვარჯიშზე შეუძლოდ გახდა და გულიც კი წაუვიდა. 

როგორც აღმოჩნდა, კანტეს ეს შიში, გაცილებით უფრო დიდია, ვიდრე ეგონათ. Skysports-ის ცნობით, იმ შემთხვევაში თუ პრემიერ ლიგა განახლდა, ფრანგმა საყრდენმა, შესაძლოა, სეზონის დარჩენილი ნაწილი სრულად გამოტოვოს.

 

ასევე იხილეთ: პანიკური შიშები! - კანტე ვერ ვარჯიშობს

#Flashscore