ფეხბურთი / სერია ა /
IlMessagero: რომას სამ კანდიდატს შორის ჩაკვეტაძეცაა
05/22/2020 22:18
174
  • რომა მხითარიანის ალტერნატიულ ვარიანტებს განიხილავს
  • კანდიდატებს შორის გიორგი ჩაკვეტაძეც არის

რომა ზაფხულში ახალი შემტევი ნახევარმცველის დამატებას ეცდება. 

ბოლო დროს, "ჯალოროსი" ყველაზე აქტიურად, მხითარიანის არსენალიდან გამოსყიდვას ცდილობდა. "მეთოფეებს" ფული სურდათ, ხოლო რომაელებს კი შეთანხმების უფულოდ და ფეხბურთელის ტრანსფერში ჩართვით მიღწევა სურდა.

როგორც ჩანს, სომეხი ფეხბურთელის ფრონტზე საქმე გართულდა, რის გამოც დედაქალაქური კლუბი ალტერნატიულ ვარიანტებს განიხილავს.

იტალიური გამოცემა, IlMessagero-ს ცნობით, "ჯალოროსიმ" ერთგვარი სამიზნეები უკვე მოინიშნა. იმ შემთხვევაში თუ, რომაელებმა მხითარიანის ტრანსფერი ვერ განახორციელებენ, ისინი გენტის ქართველი ლეგიონერის, გიორგი ჩაკვეტაძის, შახტარის ვინგერის, ტეტეს ან ლოკომოტივის შემტევის, მირანჩუკის გადაბირებას ეცდებიან.

გარდა ამისა, რომ პედროს კანდიდატურასაც აქტიურად განიხილავს. ესპანელ ფეხბურთელს ჩელსისთან კონტრაქტი 30 ივნისამდე აკავშირებს და მომავალ კლუბს, მისი დამატება უფასოდ შეუძლია.

მათგან ერთ-ერთს კი, ფონსეკა საკმაოდ კარგად იცნობს. პორტუგალიელი სპეციალისტი ტეტეს, შახტარში მუშაობისას წვრთნიდა.

 

ასევე იხილეთ: "ვესტ ჰემს ამის პრობლემა არ აქვს" - თურქული მედია ჩაკვეტაძეს არ ეშვება

#Flashscore