ფეხბურთი / პრემიერლიგა /
ვერტონგენმა იტალიური კლუბი დააფრთხო
05/22/2020 23:19
109
  • ვერტონგენი ტოტენჰემს თავისუფალი აგენტის სტატუსით დატოვებს
  • რომა ფეხბურთელთან საერთო ენის გამონახვას ვერ ახერხებს

იან ვერტონგენი ზაფხულში ტოტენჰემს დატოვებს. ბელგიელ მცველს, ლონდონელებთან კონტრაქტი 30 ივნისამდე აკავშირებს და შესაბამისად, მსურველ კლუბს მისი გადაბირება სრულიად უფასოდ შეეძლება.

როგორც TMW წერს, რომას 33 წლის ფეხბურთელის გადაბირება სურს. იტალიაში გადასვლაზე არც ვერტონგენი ამბობს უარს. პრობლემა ფეხბურთელის ხელფასია. "ჯალოროსი" ფეხბურთელს ხელფასის სახით 2.5 მილიონ ევროს სთავაზობს, ხოლო ის 3 მილიონს ითხოვს. მიუხედავად ამისა, მოლაპარაკები ჯერ კიდევ მიმდინარეობს.

იან ვერტონგენი ტოტენჰემში 2012 წლის ზაფხულში, 12.5 მილიონი ევროს სანაცვლოდ, ამსტერდამის აიაქსიდან გადავიდა. "დეზების" მაისურით ჩატარებულ 311 შეხვედრაში, ბელგიელი მცველის ანგარიშზე, 14 გოლი და 7 საგოლე გადაცემაა. 

 

ასევე იხილეთ: IlMessagero: რომას სამ კანდიდატს შორის ჩაკვეტაძეცაა

#Flashscore