ფეხბურთი / ლიგა 1 /
ლიონის, ტულუზასა და ამიენის სარჩელი არ დააკმაყოფილეს
05/22/2020 23:55
107
  • ლიონმა, ტულუზამ და ამიენმა სეზონის ნაადრევად დასრულება გააპროტესტეს
  • პარიზის სასამართლომ კლუბების სარჩელი არ დააკმაყოფილა

ფანგულმა კლუბებმა, ლიონმა, ტულუზამ და ამიენმა, 10 ტურით ადრე სეზონის დასრულება გააპროტესტეს.

როგორც იცით, აპრილში საფრანგეთს პრემიერ მინისტრმა, ლიგა 1-ის, ლიგა 2-ისა და სხვა სპორტული ღონისძიებების ნაადრევად დასრულება ოფიციალურად დაადასტურა.

შესაბამისად, საპრიზო ადგილებიც 28 ტურისთვის არსებული მდგომარეობით გადანაწილდა. პარი სენ-ჟერმენს ჩემპიონის ტიტული ვადაზე ადრე ერგო, ხოლო ლიონი კი, ბოლო 20 წლის მანძილზე პირველად, ევროსაგზურის გარეშე დარჩა.

რაც შეეხებათ ტულიზასა და ამიენს, მათი მოთხოვნა მომავალი ჩემპიონატის 22 გუნდამდე გაზრდა იყო, რადგანაც არსებული ვითარებით, მათი "ჯილდო" ლიგა 2-ში დაქვეითებაა. 

ამრიგად, პარიზის ადმინისტრაციულმა სასამართლომ, ამ სამი კლუბის სარჩელი არ დააკმაყოფილა და შესაბამისად, ძველი გადაწყვეტილებაც ძალაში რჩება.

 

ასევე იხილეთ: "დაგვიანებული ჯერ კიდევ არ არის" - ლიონის პრეზიდენტი არ ნებდება

#Flashscore