ფეხბურთი / სერია ა /
იგუაინი კარიერის დასრულებაზე ალაპარაკდა | სასურველი კლუბი ცნობილია
05/23/2020 10:46
142
  • იგუაინი კარიერის დასრულებაზე ალაპარაკდა
  • "პიპიტას" კარიერის დასრულება რივერ პლეიტში სურს

ტურინის იუვენტუსის თავდამსხმელმა, გონსალო იგუაინმა ზუსტად იცის, თუ სად სურს საფეხბურთო კარიერის დასრულება. "პიპიტას" თქმით, მას კარიერის დასრულება იქ სურს, სადაც დაიწყო - რივერ პლეიტში:

"რივერი ის კლუბია, რომელმაც ყველაფერი მომცა. სწორედ ამ კლუბის დამსახურებაა, რომ თავის დროზე რეალში გადავედი. დღეს კი, მე იუვენტუსის ფეხბურთელი ვარ.

უნდა ითქვას, რომ მარსელო გალიარდოს საკმაოდ კარგი გუნდი ჰყავს. მათ ცხრიანს საკმაოდ ბევრი საგოლე მომენტი ექმნება.

ყველას ვისაც რივერში აქვს ნათამაშები, კარიერის დასრულება სწორედ იქ სურს", - განაცხადა გონსალო იგუაინმა.

შეგახსენებთ, რომ იგუაინის კარიერა, სწორედ რივერ პლეიტში დაიწყო. არგენტინული კლუბის მაისურით ჩატარებულ 33 შეხვედრაში, მის ანგარიშზე 15 გოლია.

რაც შეეხება ფეხბურთელის ტურინულ კარიერას, გონსალო იგუაინი იუვენტუსში, 2016 წლის ზაფხულში, 90 მილიონი ევროს სანაცვლოდ, ნაპოლიდან გადავიდა. ტურინული გრანდის მაისურით ჩატარებულ 139 შეხვედრაში, არგენტინელი თავდამსხმელის ანგარიშზე, 63 გოლი და 16 საგოლე გადაცემაა. "პიპიტამ" იუვენტუსთან ერთად სერია ა ორჯერ მოიგო.

 

ასევე იხილეთ: ძმები იგუაინები ერთ გუნდში?

#Flashscore