კალათბურთი / NBA /
ნიუ იორკ ნიქსის ლეგენდას COVID-19-ით ინფიცირება დაუდასტურდა
05/23/2020 11:00
93
  • პატრიკ იუინგი COVID-19-ით დაინფიცირდა
  • დიდების დარბაზის წევრმა ყველას ჯანმრთელობა უსურვა

ნიუ იორკის ნიქსის ლეგენდამ და ამჟამად ჯორჯთაუნის მამაკაცთა კალათბურთის გუნდის მთავარმა მწვრთნელმა პატრიკ ეუინგმა განაცხადა, რომ ის COVID-19-ით არის ინფიცირებული:

"მინდა გითხრათ, რომ COVID-19-ზე დადებითი ტესტი მაქვს. ეს ვირუსი სერიოზულია და მას მსუბუქად არ უნდა მივუდგეთ. ყველას მოვუწოდებ, რომ დარჩით ჯანმრთელად, იზრუნეთ საკუთარ თავზე და ახლობლებზე."

 

იუინგი 57 წლისაა, ის დიდების დარბაზის წევრი 2008 წელს გახდა. მისი კალათბურთის კარიერა მოიცავდა, ეროვნულ ჩემპიონატში ჯორჯთაუნთან ერთად გამარჯვებას, ორ NBA-ს ფინალში მონაწილეობას ნიქსთან ერთად, 11-ჯერ ყველა ვარსკვლავის თამაშში მონაწილეობას და 1992 წელს აშშ-ს "დრიმ თიმთან" ერთად ოლიმპიურ ჩემპიონობას.

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის ყველაზე მეტი 1,645,353 შემთხვევაა დაფიქსირებული, 97,655 პაციენტი გარდაიცვალა, ხოლო 403,228-მა ადამიანმა კი ვირუსი დაამარცხა.

კორონავირუსი უკვე დაამარცხა იუტა ჯაზის ყველა ინფიცირებულმა სპორტსმენმა, ლოს-ანჯელეს ლეიკერსის და ბრუკლინ ნეთსის მოთამაშეებმა, დეტროიტ პისტონსის ფორვარდმა კრისტიან ვუდმა, ასევე ბოსტონ სელტიკსის მცველმა მარკუს სმარტმა.

ასევე იხილეთ: მეჯიქ ჯონსონი: "ის ყველა დროის უძლიერესი კალათბურთელია"

 
#Flashscore