კალათბურთი / NBA /
იუტა ჯაზის ლეგენდარული მწვრთნელი გარდაიცვალა
05/23/2020 11:26
83
  • ლეგენდარულ მწვრთნელს დიდი ხანია ჯანმრთელობის პრობლემები ჰქონდა
  • ჯაზმა ინფორმაცია ოფიციალურად დაადასტურა

იუტას ჯაზის ყოფილი მთავარი მწვრთნელი და დიდების დარბაზის წევრი ჯერი სლოუნი 78 წლის ასაკში, გარდაიცვალა, ამის შესახებ ინფორმაცია სოლტ ლეიკ სიტური გუნდის პრეს სამსახურმა გაავრცელა.

ლეგენდარული მწვრთნელი პარკინსონის დაავადებით და სხეულის დემენციით იტანჯებოდა, რამაც საბოლოოდ ლეტალური შედეგი გამოიწვია.

სლოუნი ყველასთვის ცნობილი ჯაზის მწვრთნელისას მიღწეული წარმატებით გახდა. რაც შეეხება მის სათამაშო კარიერას, რომელიც 1965 წლიდან 1976 წლამდე გაგრძელდა, ის ორჯერ აირჩიეს ყველა ვარსკვლავის მატჩზე და ექვსჯერ მოხვდა NBA-ს სეზონის საუკეთესო დაცვით ხუთეულში. მან პროფესიონალური კარიერის პირველი წელი ბალტიმორ ბულეტსში (დღეს ვაშინგტონ ვიზარდსი), ხოლო დანარჩენი კარიერა ჩიკაგო ბულზში გაატარა.

საგულისხმოა, რომ სლოუნმა სამწვრთნელო კარიერის ორი ყველაზე დიდი მარცხი, სწორედ მშობლიურ ბულსთან იწვნია. მის საპატივცემულოდ "ხარებს" 4 ნომრიანი, ხოლო ჯაზს 1223 (სიმბოლურად მისი გუნდში გამარჯვებების რაოდენობის გამო) ნომრიანი მაისური ხმარებითან ამოღებული აქვთ.

Jazz honor Hall of Fame coach Jerry Sloan by raising '1,223 ...

შეგახსენებთ, რომ კორონავირუსის გამო NBA-ს სეზონი დროებით შეჩერებულია, ამ დროის ოფიციალური მონაცემებით, ამერიკის შეერთებულ შტატებში COVID-19-ის ყველაზე მეტი 1,645,353 შემთხვევაა დაფიქსირებული, 97,655 პაციენტი გარდაიცვალა, ხოლო 403,228-მა ადამიანმა კი ვირუსი დაამარცხა.

კორონავირუსი უკვე დაამარცხა იუტა ჯაზის ყველა ინფიცირებულმა სპორტსმენმა, ლოს-ანჯელეს ლეიკერსის და ბრუკლინ ნეთსის მოთამაშეებმა, დეტროიტ პისტონსის ფორვარდმა კრისტიან ვუდმა, ასევე ბოსტონ სელტიკსის მცველმა მარკუს სმარტმა.

ასევე იხილეთ: ლეგენდა - ჯერი სლოუნი 1942-2020

 
#Flashscore