სხვა / UFC /
გეიჯი: "ხაბიბის დასამარცხებლად რვა ზუსტი დარტყმის განხორციელება დამჭირდება"
05/23/2020 18:39
209
  • ჯასტინ გეიჯი მომდევნო ბრძოლაზე ფიქრობს
  • ამერიკელი ნურმაგომედოვთან შესახვედრად ემზადება

ცხრა მაისის მთავარი ბრძოლის გამარჯვებული და დროებითი ტიტულის მფლობელი, ჯასტინ გეიჯი მის მომავალ ოპონენტზე უკვე ღიად საუბრობს და ფიქრობს, რომ დაღესტანელის დასამარცხებლად რვა ზუსტი დარტყმა დასჭირდება.

მა შემდეგ, რაც გეიჯმა ტონი ფერგიუსონი დამაჯერებლად დაამარცხა, ხაბიბ ნურმაგომედოვი ვალდებულია, რომ ტიტული დაიცვას. მართალია ოფიციალურად ამერიკელისა და დაღესტანელის ბრძოლის თარიღი არ დადასტურებულა, თუმცა როგორც აბსოლუტური საბრძოლო ჩემპიონატის პრეზიდენტი, დანა უაითი ამბობს, შოუ სექტემბერში ან ოქტომბერში გაიმართბა.

გეიჯის განცხადებით, ის საკუთარ თავს ჩემპიონს ვერ უწოდებს, სანამ ხაბიბს არ შეხვდება და მას ოქტაგონზე ყველას წინაშე არ დაამარცხებს, ხოლო ნურმაგომედოვი ამბობს, რომ რამადანის დასრულების შემდეგ, მას დაახლოებით ერთი თვე დასჭირდება მოსამზადებლად და სავარაუდოდ ივლისში ის უკვე მზად იქნება.

"ვფიქრობ, გამაჩნია იმის პოტენციალი, რომ ნურმაგომედოვს მარცხი ვაგემო. მე მის წინააღმდეგ უამრავი იარაღი გამაჩნია. ყველაზე ძლიერი კი ჩემი ფეხებია. ხაბიბის დასამარცხებლად რვა ზუსტი დარტყმის განხორციელება დამჭირდება.

იმ შემთხვევაში თუ მე სასურელ ფორმას მივაღწევ, გპირდებით, რომ პირველ ხუთ რაუნდში საერთოდ არ დავიღლები. ზუსტად ვერაფერს გეტყვით, მაგრამ ვფიქრობ, რომ ჩვენი ბრძოლა სექტემბერში შედგება.

ჩემი მთავარი მიზანი სწორედ მისი დამარცხებაა და ამჟამად სხვა მეტოქეებზე საერთოდ არ ვფიქრობ. არცერთ შეთავაზებას არ განვიხილავ. დაღესტანელი ძლიერი სპორტსმენია, რომლის წინააღმდეგ გამოსვლა და გამარჯვება ყველას სურს, მაგრამ ამას მხოლოდ რჩეულები შეძლებენ",ამბობს ჯასტინ გეიჯი.

შეგახსენებთ, რომ ფერგიუსონის დამარცხების შემდეგ, ხაბიბმა ჯასტინს გამარჯვება მიულოცა, ხოლო ტონის მოუწოდა, რომ თავი მაღლა აწიოს და როცა მისი შვილები გაიზრდებიან, მისით აუცილებლად იამაყებენ.

როგორც უკვე მოგახსენეთ, UFC მაისში მეოთხე ქარდის გამართვას აპირებს და შოუ 31 მაისსაა დაგეგმილი. მებრძოლები უკვე დაწყვილდნენ და მთავარი დაპირისპირება ტაირონ ვუდლსა და გილბერტ ბერნს შორის გაიმართება.

ასევე იხილეთ: მარცხის მიუხედავად, ფერგიუსონმა ყველაზე მეტი თანხა გამოიმუშავა

#Flashscore