ფეხბურთი / ბუნდესლიგა /
მარიო გიოტცემ გადაწყეტილება მიიღო
05/23/2020 21:02
171
  • მარიო გიოტცემ გადაწყვეტილება მიიღო
  • ფეხბურთელი კლუბს გამოიცვლის

გამოცემა FOOTBALL-ITALIA ავრცელებს დორტმუნდის ბორუსიას სპორტული დირექტორის, მიხაელ ზორკის განცხადებას, რომელიც ამბობს, რომ კონტრაქტის ამოწურვის შემდეგ, გიოტცე კლუბს დატოვებს.

უკანასკნელ პერიოდში გერმანელი შემტევის შესახებ უცხოური მედიის წარმომადგენლები ბევრს საუბრობდნენ. ივარაუდებოდა, რომ მოთამაშე შავ–ყვითლებთან ხელშეკრულებას აღარ გააგრძელებდა და ის თავისუფალი აგენტის სტატუსს მიიღებდა. როგორც ზორკის ნათქვამიდან ირკვევა, ეს მართლაც ასე მოხდება.

"მარიო გიოტცე ნამდვილად კარგი ადამიანია. მან ჩვენი კლუბისთვის ბევრი რამ გააკეთა და ამისთვის მადლობას ვუხდით მას. ის მიმდინარე წლის ზაფხულში დაგვტოვებს და ეს ამბავი გადაწყვეტილია.

ჩვენ ამ საკითხთან დაკავშირებით მოლაპარაკებები ვაწარმოეთ და ორივე მხარე შეთანხმდა, რომ არსებული კონტრაქტი, რომელიც მალე ამოიწურება, აღარ გახანგრძლივდება", – აცხადებს ზორკი.

ბუნდესლიგის მიმდინარე სეზონში, ტრავმის გამო მარიომ მხოლოდ 14 მატჩში მიიღო მონაწილეობა და საკუთარ გუნდს სამი გატანილი გოლით დაეხმარა. გავრცელებული ინფორმაციის თანახმად, ფეხბურთელის შეძენის სურვილს მილანი და რომა გამოთქვამენ. გერმანელს ასევე უკავშირებენ ლივერპულს. ბრიტანული მედიის წარმომადგენლები იუწყებიან, რომ ფეხბურთელი თავის ყოფილ დამრიგებელთან, იურგენ კლოპთან მუდმივ კონტაქტზეა და მათ კვლავ კარგი ურთიერთობა აქვთ. შესაბამისად, არ არის გამორიცხული, რომ კლოპმა ძველი შეგირდი ინგლისურ კლუბში სრულიად უფასოდ გადაიბიროს.

ასევე იხილეთ: მათეუსი გიოტცეს სერია ა–ში თამაშს ურჩევს

#Flashscore