კალათბურთი / NBA /
NBA დაიჯესტი - ვესტბრუკის 11 და ოკლას უცნაური მარცხი
02/15/2019 11:52
432

ნაციონალური საკალათბურთო ასოციაციის რეგულარული სეზონი რამდენიმე დღით გვემშვიდობება და დრო ნაკლებად სერიოზულ, თუმცა გაცილებით ლამაზ ოლ-სტარის "უიქენდს" ეთმობა. გუშინ ღამის სამი მატჩი გაიმართა და ყველაფერი უცნაურად დასრულდა.

ოკლაჰომა სიტი თანდერი ნიუ ორლეანსს ეწვია და რასელ ვესტბრუკის ზედიზედ მეთერთმეტე სამმაგი დუბლის მიუხედავად 122-131 დამარცხა. ყოფილმა MVP-მ 44 ქულა, 14 მოხსნა და 11 შედეგიანი გადაცემა მიითვალა, მას პოლ ჯორჯი (28ქ/7მ/6პ) და ნერლენს ნოელი (22ქ/13მ) წამოეხმარნენ, თუმცა ეს პელიკანსის დასამარცხებლად საკმარისი არ აღმოჩნდა. ჯულიუს რენდლის (33ქ/11მ/6პ) და ჯრუ ჰოლიდეის (32ქ/5მ/7პ) ლიდერობით ლუიზიანელებმა ურთულესი მატჩი მოიგეს.

ატლანტაში იმარჯვა ნიუ იორკ ნიქსმა. დენის სმიტ ჯუნიორის (19ქ/7პ) და დეანდრე ჯორდანის (10ქ/13მ) ლიდერობით ნიუ იორკელებმა ჰოუქსი 106-91 დაამარცხეს. მასპინძელთაგან დუეინ დედმონი 21 ქულით გამოირჩა, ხოლო ტრეი იანგმა ორმაგი დუბლი 16 ქულითა და 11 შედეგიანი გადაცემით შეასრულა.

დიდი ანგარიშით მოიგო ორლანდო მეჯიკმა. ტერენს როსის 21 ქულის წყალობით ფლორიდელებმა შინ შარლოტ ჰორნეთში 127-89 გაანადგურეს. ორმაგი დუბლი შეასრულა ნიკ ვუჩევიჩმა, რომელმაც 17 ქულას და 11 მოხსნას მოუყარა თავი.

 

 

#Flashscore