3 დღის წინ კარლო ანჩელოტის France Football-ი დაუკავშირდა. იტალიელმა სპეციალისტმა ისაუბრა "ნაპოლიში" მიმდინარე მოვლენებსა და რონალდოს ტრანსფერზე იუვენტუსში:

"განსხვავებული მდგომარეობაა "ნაპოლიში", ჩვენ არ გვყავს მარადონა, მაგრამ ახალგაზრდა ფეხბურთელებთან ერთად ვაშენებთ კარგ გუნდს. ბოლო წლებია "ნაპოლი" კარგად თამაშობს, ნიჭიერი ფეხბურთელები ასპარეზობენ ამ კლუბში და ჩემი მოვალეობაც ის არის, რომ ახალგაზრდებს გამოცდილების მიღებაში დავეხმარო, გუნდს ერთიანობა შევძინო და თავდაჯერებულნი იყვნენ მაშინაც კი, როცა კარგად ვერ თამაშობენ.

რონალდოს მოსვლამ იტალიური ფეხბურთის იმიჯზე კარგად იმოქმედა. დიდი ხნის განმავლობაში ვარსკვლავებისთვის იტალია სახლი იყო. აქ ისეთი ფეხბურთელები თამაშობდნენ, როგორებიც: მარადონა, ზიკო, პლატინი, ზიდანი, რონალდო, შევჩენკო, კაკა და იბრაჰიმოვიჩი არიან. დიდიმა ფეხბურთელებმა 10 წელია რაც დაგვივიწყეს. რონალდოს ჩამოსვლა კი პრესტიჟს დაგვიბრუნებს, კრიშტიანო დიდებული პროფესიონალია. ის მხოლოდ გუნდის არჩევისას შეცდა - "იუვეში" არ უნდა გადასულიყო" - განაცხადა კარლო ანჩელოტიმ.

ანჩელოტი: რონალდო Seria A-ს პრესტიჟს დაუბრუნებს

ასევე იხილეთ

უახლესი ამბები