სხვა / სხვა /
პირველად ისტორიაში - ქართველმა მოფარიკავემ გრან პრიზე ბრინჯაოს მედალი მოიპოვა
02/23/2019 23:40
414

ეგვიპტის დედაქალაქ კაიროში ვაჟთა შორის ხმლით ფარიკაობაში გრან პრი გაიმართა, სადაც მონაწილეობა ორმა ქართველმა სპორტსმენმა მიიღო.

მეთექვსმეტედფინალში დამარცხდა და ბრძოლას გამოეთიშა მიხეილ მარდალეიშვილი, რომელიც სამხრეთ კორეელ სანგუკ ოჰთან ანგარიშით 5-15 დამარცხდა.

სანდრო ბაზაძემ კი პირველ შეხვედრაში 2017 წლის მსოფლიო ჩემპიონს, უნგრელ ანდრას სზატმარს 15-8 სძლია. მერვედფინალში ბაზაძე კორეელ კიეჰვან კიმს დაუპირისპირდა და დაძაბულ შეხვედრაში ანგარიშით 15-13 მოუგო. მეოთხედფინალში ქართველმა მოფარიკავემ მსოფლიო რეიტინგის ლიდერი, ამერიკელი ელი დერშვიცი 15:12 დაამარცხა. თუმცა სამწუხაროდ, ბაზაძემ ნახევარიფნალური შეხვედრა დათმო. მან ორგზის ოლიმპიურ ჩემპიონ არონ სზილაგისთან 5:15 დამარცხდა და გრან პრიზე ბრინჯაოს მედალი მოიპოვა.

აღსანიშნავია, რომ დამოუკიდებელი საქართველოს ისტორიაში გრან პრის ეტაპზე ქართველი მოფარიკავეებისთვის აღნიშნული მედალი პირველია.

#Flashscore