ფეხბურთი / პრემიერლიგა /
მაურიციო სარი: ალბათ ფსიქოლოგიურად გადავიღალეთ
02/27/2019 11:41
399

ლონდონის ჩელსის მთავარმა მწვრთნელმა მაურიციო სარიმ მანჩესტერ სიტისთან გამართულ დაპირისპირებაზე და ესპანელ მარკოს ალონსოზე ისაუბრა, რომელიც ამ თამაშში გუნდის განაცხადში ვერ მოხვდა, რამაც ბევრი მითქმა-მოთქმა გამოიწვია.

"მე ამ თამაშში არ მჭირდებოდა კიდევ ერთი მარცხენა მცველი, მე ფეხბურთელებს სათამაშო ფორმის მიხედვით ვარჩევ, ამ მომენტისთვის კი ემერსონი შესანიშნავ ფორმაშია. ბევრი რამაა დამოკიდებული მოთამაშეთა ფიზიკურ და ფსიქოლოგიურ მზაობაზე, დღეისათვის კი იტალიელი როგორც აღვნიშნე ორივე ამ კომპონენტს აკმაყოფილებს."

"რაც შეეხება მარკოსს, ის გუნდისთვის მნიშვნელოვანი ფეხბურთელია და ჩელსის ბევრი სარგებელი მოუტანა, მის გამოყენებას აუცილებლად ვაპირებ და დარწმუნებული ვარ გაცემულ ავანსს როგორც ყოველთვის გაამართლებს."

"თავდაპირველად ჩვენ შეცდომების კომპენსირება ენთუზიაზმით მოვახერხეთ, თუმცა შემდეგ ის დავკარგეთ. ალბათ ფსიქოლოგიურად გადავიღალეთ და ვცდილობთ ამ სიტუაციიდან რაც შეიძლება მალე გამოვიდეთ, იმედია ჩვენი თამაში მალე უკეთესობისკენ შეიცვლება."

"მანჩესტერ სიტის აქვს ის სტაბილურობა, რაც მათ დღეისათვის ჩვენზე ძლიერ გუნდად აქცევს, თუმცა ბოლო პერიოდში თამაშის ხარისხი გამოვასწორეთ, ეს კი შედეგს აუცილებლად მოიტანს" - დაასრულა ლონდონელთა მთავარმა მწვრთნელმა.

#Flashscore