კალათბურთი / NBA /
10 ყველაზე მაღალანაზღაურებადი კალათბურთელი
03/01/2019 14:04
14052

ნაციონალური საკალათბურთო ასოციაცია მოთამაშეების ლიგად იქცა. ამის დანახვა ძალიან მარტივია. ბოლო წლებში მოთამაშეები სულ უფრო მეტად ითხოვენ გაცვლას, თავისუფალი აგენტები მცირე მარკეტებიდან უფრო დიდში გადადიან, ხელფასები კი წლიურად 30-40 მილიონ ამერიკულ დოლარს აღემატება.

გუნდის მიერ დანიშნული ანაზღაურების მიღმა კალათბურთელები რეკლამებით უზარმაზარ თანხას შოულობენ. გთავაზობთ ლიგის 10 ყველაზე მაღალანაზღაურებად კალათბურთელს. 

 

10.  პოლ ჯორჯი

 

სრული ანაზღაურება: $38.6 მილიონი

ხელფასი/ბონუსები: $30.6 მილიონი

სპონსორები: $8 მილიონი

ოკლაჰომა სიტის ერთ-ერთი ლიდერი და მიმდინარე სეზონის MVP კანდიდატი გასულ ზაფხულს ბევრისთვის მოულოდნელი გადაწყვეტილებით გამოირჩა. ჯორჯმა ოკლაჰომაში დარჩენა ამჯობინა და თანდერთან 4-წლიანი კონტრაქტი გააფორმა, რის მიხედვითაც ჯამში 137 მილიონ ამერიკულ დოლარს მიიღებს. ფრენჩაიზთან კონტრაქტის გარდა ჯორჯი ნაიკთან, გატორეიდთან, ნიუ ერასთან და სხვა ცნობილ კომპანიებთან თანამშრომლობით წლიურად 8 მილიონ დოლარს გამოიმუშავებს. 

 

9. ბლეიკ გრიფინი

 

სრული ანაზღაურება: $39.1 მილიონი

ხელფასი/ბონუსები: $32.1 მილიონი

სპონსორები: $7 მილიონი

"გრიფინდონმა" 2018 წლის ზაფხულში ლოს ანჯელეს კლიპერსთან ხუთწლიანი კონტრაქტი გააფორმა, რის მიხედვითაც ჯამში 171 მილიონ დოლარს მიიღებს. კალიფორნიულმა ბლეიკის გაცვლა გადაწყვიტა და ბოლო წელიწადნახევარია ამ თანხას დეტროიტ პისტონსი იხდის. გუნდთან კონტრაქტის გარდა გრიფინი ყოველწლიურად 7 მილიონს მრავალი სხვადასხვა კომპანიისგან გამოიმუშავებს.

 

8. დემიენ ლილარდი

სრული ანაზღაურება: $41 მილიონი

ხელფასი/ბონუსები: $28 მილიონი

სპონსორები: $13 მილიონი

"დეიმ დოლა" უკვე მესამე წელია რაც პორტლენდ ტრეილ ბლეიზერსისგან სეზონში 28 მილიონ დოლარს იღებს. არსებული კონტრაქტის გარდა 2012 წლის დრაფტის მეექვსე არჩევანი სხვადასხვა რეპ ალბომებს უშვებს, ხოლო "ადიდასმა" გასულ თვეს მისი სახელობის მეხუთე სპორტული ფეხსაცმელი გამოუშვა. 

 

7. იანის ანტეტოკუნმპო

სრული ანაზღაურება: $43.2 მილიონი

ხელფასი/ბონუსები: $24.2 მილიონი

სპონსორები: $19 მილიონი

მიმდინარე სეზონის კიდევ ერთი MVP კანდიდატი და აღმოსავლეთ კონფერენციის ოლ სტარის კაპიტანი საოცარ სეზონს ატარებს. გასული წლის კონტრაქტის გახანგრძლივების შემდეგ "ბერძენი შეშლილი" სეზონში 24,2 მილიონ დოლარს იღებს, ხოლო მიმდინარე წლის ივლისში "ნაიკი" მისი სახელობის პირველ სპორტულ ფეხსაცმელს გამოუშვებს.

 

6. კრის პოლი



სრული ანაზღაურება: $43.7 მილიონი

ხელფასი/ბონუსები: $35.7 მილიონი

სპონსორები: $8 მილიონი

გასულ ზაფხულს ჰიუსტონ როკეტსმა 34 წლის კრის პოლს მაქსიმალური კონტრაქტი გაუფორმა, რის მიხედვითაც 4 წლის განმავლობაში "სი პი" 160 მილიონ დოლარს მიიღებს. პოლი ნაციონალური საკალათბურთო მოთამაშეთა ასოციაციის პრეზიდენტია და ათი გავლენიანი სპონსორი ჰყავს.

5. ჯეიმს ჰარდენი

სრული ანაზღაურება: $47.4 მილიონი

ხელფასი/ბონუსები: $30.4 მილიონი

სპონსორები: $17 მილიონი

როკეტსის კიდევ ერთი მოთამაშე და მოქმედი MVP ჯეიმს ჰარდენი ისტორიულ სეზონს ატარებს. მისი საშუალო მაჩვენებლები 1960-იანი წლების შემდეგ ყველანაირ რეკორდს ხსნის და "წვერა" წლიურად დამსახურებულ 30,4 მილიონ ამერიკულ დოლარს იღებს. ჯეიმსის მნიშვნელოვანი სპონსორები ჰყავს, როგორებიცაა "ადიდასი", "ბადიარმორი" და "ბითსი".

4. რასელ ვესტბრუკი

სრული ანაზღაურება: $53.7 მილიონი

ხელფასი/ბონუსები: $35.7 მილიონი

სპონსორები: $18 მილიონი

მისტერ "სამმაგი დუბლი" ლიგის ისტორიაში ყველაზე ძვირადღირებული კონტრაქტის მფლობელია. მიმდინარე სეზონიდან რასელი 5 წლის განმავლობაში 207 მილიონ დოლარს მიიღებს. ნაიკმა გასულ თვეს მისი სახელობის მეორე სპორტული ფეხსაცმელი გამოუშვა, ხოლო შემოდგომაზე გეგმაში მესამეა.

3. კევინ დურანტი

სრული ანაზღაურება: $65 მილიონი

ხელფასი/ბონუსები: $30 მილიონი

სპონსორები: $35 მილიონი

დურანტმა გასულ სეზონში მორიგი 1+1 კონტრაქტი გააფორმა, რის მიხედვითაც ფინალების ორგზის MVP სეზონში 30 მილიონ დოლარს მიიღებს. მიმდინარე სეზონში კევინს 5 წლიანი კონტრაქტის მიღება შეუძლია, რის მიხედვითაც ამ დროში 220 მილიონ დოლარს მიიღებს. დურანტმა ღიად დააფიქსირა, რომ ოდესმე ლიგის გუნდის ფლობა სურს და მის მიერ ფრენჩაიზებისგან აღებული ფული უკვე 400 მილიონს აჭარბებს.

2. სტეფ კარი

სრული ანაზღაურება: $79.5 მილიონი

ხელფასი/ბონუსები: $37.5 მილიონი

სპონსორები: $42 მილიონი

 

სტეფ კარის ახალი, დიდი კონტრაქტის გარდა შემოსავლის არაერთი წყარო აქვს. გასულ თვეში "რაკუტენისგან" მიღებული ფინანსებით კარის მიერ სპონსორებისგან აღებული თანხა წლიურად უკვე 40 მილიონს აღემატება. ყველა დროის საუკეთესო მსროლელმა ლიგაში მეორე ადგილი ნამდვილად დაიმსახურა. 

1. ლებრონ ჯეიმსი

სრული ანაზღაურება: $88.7 მილიონი

ხელფასი/ბონუსები: $35.7 მილიონი

სპონსორები: $53 მილიონი

ლებრონი ლოს ანჯელეს ლეიკერსს გასულ ზაფხულს შეუერთდა და 4 წლის განმავლობაში 153 მილიონ დოლარს მიიღებს. მისი სარეკლამო პარტნიორებისგან შემოსული ანაზღაურება მეფის წლიურ ხელფასს გაცილებით აღემატება. ჯეიმსის პარტნიორ კომპანიებში "ნაიკი", "კოკა-კოლა" და ა.შ.შ.-ს სხვა უდიდესი ბრენდები შედიან. 

#Flashscore