კალათბურთი / NBA /
NBA დაიჯესტი - დეტროიტის დრამატული გამარჯვება, ბოსტონის სიტუაცია მძიმდება
03/04/2019 10:14
468

დეტროიტ პისტონსი პლეიოფისთვის ბრძოლას განაგრძობს. მიუხედავად იმისა, რომ ზაზა ფაჩულიას ბოლო მატჩების მონაგარს დადებითად ნამდვილად ვერ შევხედავთ, მიჩიგანელების "პოსტსეზონში" ნახვა ნამდვილად საინტერესო უნდა იყოს. გუშინდელი შეხვედრა პისტონსმა "ლითლ სიზარს არენაზე" ტორონტოს წინააღმდეგ ჩაატარე და ოვერტაიმის შედეგად112-107 მოიგო. სტუმართაგან კაილ ლოური (35ქ/7მ/5პ) გამოირჩა, ხოლო მარკ გასულს რეგულარული დროის ბოლო წამებზე გამარჯვების მოპოვება შეეძლო. პისტონსის რიგებში საუკეთესო ტრადიციულად ბლეიკ გრიფინი (27ქ/7მ) გახლდათ, ხოლო ანდრე დრამონდმა ორმაგი დუბლი 15 ქულითა და 17 მოხსნით გაიფორმა.

მორიგი შეხვედრა დათმო ბოსტონ სელტიკსმა. კაირი ირვინგის (24ქ/9მ/6პ) პერფომანსს ჯეიმს ჰარდენმა თავის მხრივ 42 ქულითა და 7 მოხსნით უპასუხა, ხოლო როკეტსმა "ტი დი გარდენში" 115-104 მოიგო. ტექსასელებისთვის თითოეულ შეხვედრას ძალიან დიდი მნიშვნელობა აქვს, ჰიუსტონი პლეიოფში სახლის უპირატესობის მოპოვებისთვის იბრძვის, ხოლო ბოსტონის საქმე არც ისე კარგად გამოიყურება. სეზონის დაწყებამდე აღმოსავლეთის უპირობო ფავორიტად შერაცხული სელტიკსი მეხუთე ადგილს იკავებს.

როგორც იქნა პოლ ჯორჯის გარეშე იმარჯვა ოკლაჰომა სიტი თანდერმა. "ჩისპიკ არენას" მემფის გრიზლისი ეწვია და ეივერი ბრედლის (27ქ/5მ/7პ) ბრწყინვალე პერფომანსის მიუხედავად გადამწყვეტ მეოთხედში დამარცხდა. რასელ ვესტბრუკის (22ქ/6მ/5პ) და სტივენ ადამსის (13ქ/22მ) ლიდერობით ოკლაჰომამ 99-95 მოიგო და მესამე ადგილს ჯერ-ჯერობით მყარად ინარჩუნებს.

ალექს ლენმა (28ქ/9მ) როგორც ჩანს საკუთარი კარიერა გადაარჩინა. მერილენდის ყოფილი ცენტრის ლიდერობით ატლანტამ ჩიკაგოს გასვლაზე 123-118 სძლია. შეხვედრის ყველაზე საინტერესო ეპიზოდი მესამე მეოთხედში მოხდა. ტრეი იანგმა (18ქ/5პ) ჩაგდებული სამქულიანის შემდეგ კრის დანთან "თრეშ თოქი" გააჩაღა, რის გამოც არბიტრებმა მეორე ტექნიკური შენიშვნა მისცეს და პარკეტის დატოვება მოუწია.

პორტლენდ ტრეილ-ბლეიზერსი მესამე ადგილისთვის ბრძოლას განაგრძობს. საღამოს ადრეულ შეხვედრაში ორეგონელები შარლოტს ეწვივნენ და როდნი ჰუდის (27ქ) და იუსუფ ნურკიჩის (26ქ/15მ/6პ) ლიდერობით ადგილობრივი ჰორნეთსი მარტივად, 118-108 დაამარცხეს. კემბა უოლკერის (18ქ/12პ) ორმაგმა დუბლმა კაროლინელებს არ უშველა და მათი საპლეიოფო საქმეები კიდევ უფრო გართულდა.

ლოს ანჯელეს ლეიკერსის პლეიოფის შანსები გუშინ ღამით კვლავ შემცირდა. ლოს ანჯელეს კლიპერსმა შინ ნიუ იორკს ნიქსს უმასპინძლა და სრული დომინაციით, 128-107 დაამარცხა. კალიფორნიელებმა უპირატესობა მატჩის დასაწყისშივე მოიპოვეს და მას შემდეგ ხელიდან არ გაუშვიათ. ლენდრი შამეტის (21ქ) 7 სამქულიანით კლიპერსმა დამაჯერებელი გამარჯვება მოიპოვა.

კარლ ენტონი თაუნზი ძალიან გაბრაზებული უნდა იყოს. 28 ქულის, 10 მოხსნის და 7 შედეგიანი გადაცემის მიუხედავად მისმა ტიმბერვულვზმა დედაქალაქში გამანადგურებელი სხვაობითმ, 121-135 წააგო. გამორჩეული გახლდათ ბობი პორტისი, რომელმაც ორმაგი დუბლი 26 ქულით და 12 მოხსნით გაიფორმა და ვაშინგტონს უჩვეულო გამარჯვებაში დაეხმარა.

ორლანდო მეჯიკი თავის სახელს ამართლებს. გოლდენ სტეიტისა და ინდიანას დამარცხების შემდეგ ფლორიდელები კლივლენდს ეწვივნენ და დიდი ანგარიშით 93-107 დამარცხდნენ. ნიკოლა ვუჩევიჩის (28ქ/13მ/6პ) ბრწყინვალე პერფომანსი საკმარისი არ აღმოჩნდა და კავალიერსმა ნაკლებად სასურველი გამარჯვება მოიპოვა. 

#Flashscore