სხვა / UFC /
კონორ მაკგრეგორი მაიამიში დააკავეს!
03/12/2019 11:42
770

UFC-ს სკანდალურად ცნობილი ირლანდიელი ჩემპიონი კონორ მაკგრეგორი მაიამიში საკუთარ სახლში დააკავეს.

პოლიციამ კონორი ძარცვისა და ხულიგნობის ბრალდებით აიყვანა, თუმცა მალევე 12,500 დოლარიანი გირაოს სანაცვლოდ გაათავისუფლა.

როგორც ირკვევა, მსუბუქი და ნახევრად მსუბუქი წონების ჩემპიონს ერთ-ერთმა გულშემატკივარმა დილის 5 საათზე ფოტო გადაუღო, რაზეც ირლანდიელი ძალიან გაბრაზდა და მას ჯერ ტელეფონი წაართვა, შემდეგ კი დაუმსხვრია.

კონორს ხულიგნობის ბრალდება ცოტა ხნის წინაც დაუმტკიცდა, როდესაც UFC 223-ის მებრძოლთა ავტობუსს თავს დაესხა, მაშინ ის ხაბიბ ნურმაგომედოვთან არკვევდა ურთიერთობას და სასამართლომ მხოლოდ 5 დღიანი საზოგადოებისთვის სასარგებლო შრომა დააკისრა.