კალათბურთი / NBA /
NBA დაიჯესტი - ჰიუსტონში დურანტის გარეშე, ვესტბრუკი კვლავ შეუჩერებელია
03/14/2019 11:14
428

სტეფ კარიმ დაბადების დღე სიმბოლურად აღნიშნა. მისი უორიორზი ჰიუსტონს ეწვია და კევინ დურანტის გარეშე დაძაბულ ბრძოლაში 106-104 მოიგო. მატჩის საუკეთესო მოთამაშე 30 ქულით კლეი ტომპსონი გახდა, დემარკუს კაზინსმა 27 ქულას, 8 მოხსნას და 7 შედეგიან გადაცემას მოუყარა თავი, ხოლო სტეფი იუბილეზე 24 ქულას დასჯერდა. მასპინძელთაგან გამორჩეული ტრადიციულად ჯეიმს ჰარდენი გახლდათ. მოქმედმა MVP-მ ორმაგი დუბლი 29 ქულით და 10 შედეგიანი გადაცემით შეასრულა თუმცა მისი გუნდი მაინც დამარცხდა.

რასელ ვესტბრუკის ქულების შედეგიანობა ბოლო კვირებია საგრძნობლად გაუმჯობესდა. ოკლაჰომას ლიდერმა გუშინ ღამით სამმაგი დუბლ 31 ქულით, 11 მოხსნით და 12 შედეგიანი გადაცემით შეასრულა და თანდერმა შინ ბრუკლინი დიდი ანგარიშით, 108-96 დაამარცხა. სტუმართაგან გამორჩეული 25 ქულით სპენსერ დინვიდი გახლდათ, ხოლო პოლ ჯორჯმა თავის გუნდს 25 ქულა და 9 მოხსნა შემატა.

შესანიშნავი პერიოდის მერე დიდი ანგარიშით წააგო დეტროიტ პისტონსმა. მაიამიში გამართული შეხვედრა მასპინძელთა სრული დომინაციით წარიმართა, ხოლო მესამე მეოთხედში მათ საერთოდ კატასტროფული სხვაობით (33-8) მოიგეს. ჰასან უაითსაიდის (13ქ/13მ) ორმაგი დუბლის წყალობით ჰიტმა 108-74 იმარჯვა.

მარტივად მოიგო იუტა ჯაზმაც. დევინ ბუკერის (27ქ/6პ) კარგი თამაშის მიუხედავად სანსმა კვინ სნაიდერის გუნდთან ვერაფერი გააწყო. რუდი გობერმა ორმაგი დუბლი 18 ქულით და 20 მოხსნით გაიფორმა, ხოლო დონოვან მიჩელმა 26 ქულით თავის გუნდს ულიდერმა და ჯაზმა 114-97 იმარჯვა.

დედაქალაქს ორლანდო მეჯიკი ეწვია. ნიკოლა ვუჩევიჩის (20ქ/14მ) ორმაგი დუბლის მიუხედავად ფლორიდელებმა ვაშინგტონში მაინც წააგეს. ტრადიციულად გამორჩეული გახალდათ ბრედლი ბილი, რომელმაც თავის გუნდს 27 ქულა, 6 მოხსნა და 7 შედეგიანი გადაცემა შემატა და ვიზარდსმა მეტოქე 100-90 დაამარცხა.

ატლანტას მემფისი ეწვია და შეხვერა მოულოდნელად მაღალი შედეგიანობით გამოირჩა. ჯონ კოლინსის (27ქ/12მ) და ტრეი იანგის (22ქ/8პ) ლიდერობით ჰოუქსმა "დათვები" 132-111 დაამარცხა. სტუმართაგან საუკეთესო სი ჯეი მაილსი (33ქ) გახდა, ხოლო მაიკ კონლი 20 ქულასა და 7 შედეგიან გადაცემას დასჯერდა. 

#Flashscore