კალათბურთი / NBA /
NBA დაიჯესტი - ლეიკერსი ფსკერისკენ მიიწევს, MVP შეძახილები ბოსტონში
03/15/2019 11:14
547

ნაციონალური საკალათბურთო ასოციაცია მუდმივად გამოირჩევა ეფექტური ჩატენვებით, ლამაზი დრიბლინგით და ემპათიური ბლოკებით, თუმცა საზოგადოებას ყველაზე მეტად ალბათ ბოლო წამს მოგებული მატჩები ახალისებს. უესლი მეთიუზმა გუშინ ღამით ბოლო წამებზე ოკლაჰომა სიტის არ მოაგებინა. ინდიანაპოლისში გამართულ შეხვედრაში რასელ ვესტბრუკმა (19ქ/14მ/11პ) მორიგი სამმაგი დუბლი შეასრულა, ხოლო პოლ ჯორჯმა თავის გუნდს 36 ქულა შემატა. მიუხედავად ამისა დომანტას საბონისის (26ქ/7მ) შესანიშნავი პეფრომანსის და მეთიუზის "გეიმ ვინერის" წყალობით პეისერსმა თანდერი 108-106 დაამარცხა. 

დრამატული მატჩი შედგა დენვერშიც. ლუკა დონჩიჩმა (24ქ/11მ/9პ) დალასისთვის ყველაფერი გააკეთა, თუმცა ნიკოლა იოკიჩის (11ქ/14მ/8პ) ბაზერმა ნაგეთსს ბოლო წამზე, 100-99 მოაგებინა. მიუხედავად სერბის გმირობისა მასპინძელთა შორის საუკეთესო პოლ მილსაპი გახლდათ, რომელმაც თავის გუნდს 33 ქულა და 8 მოხსნა შემატა.

MVP შეძახილები გაისმა ბოსტონში. "ტი დი გარდენში" სელტიკსმა საკრამენტო კინგსი მიიღო და კაირი ირვინგის (31ქ/10მ/12პ) სამმაგი დუბლი წყალობით 126-120 დაამარცხა. სტუმართაგან საუკეთესო ბადი ჰილდი (34ქ/7პ) გახლდათ, ხოლო დი აარონ ფოქსმა თავის გუნდს 19 ქულა, 7 მოხსნა და 9 შედეგიანი გადაცემა შემატა.

კვლავ წააგო ლოს ანჯელეს ლეიკერსმა. ლებრონ ჯეიმსის (29ქ/6პ) შესანიშნავი მატჩის მიუხედავად ტორონტომ კაილ ლოურის გარეშე იმარჯვა. კანადაში გამართულ შეხვედრაში რაპტორსმა კავაი ლეონარდის ლიდერობით (25ქ/8მ) კალიფორნიელები 111-98 დაამარცხა.

ზედიზედ მეორედ მოიგო იუტა ჯაზმა. დონოვან მიჩელის (24ქ/6პ) ლიდერობით სოლთ ლეიქ სიტიში "ჯაზმენებმა" მინესოტა თიმბერვულვზი 120-100 დაამარცხეს. სტუმართაგან გამორჩეული ტრადიციულად კარლ ენტონი თაუნზი გახლდათ, რომელმაც 24 ქულითა და 12 მოხსნით ორმაგი დუბლი გაიფორმა. 

როგორც იქნა, ორლანდო მეჯიკმა მოსაგები შეხვედრის სწორად დასრულება მოახერხა. ფლორიდაში გამართულ მატჩში მასპინძლებმა აარონ გორდონის (21ქ/6მ) და ნიკოლა ვუჩევიჩის (19ქ/11მ) ლიდერობით 120-91 იმარჯვეს. კლივლენდის რიგებში კი საუკეთესო კოლინ სექსტონი გახდა, რომელმაც თავის გუნდს 23 ქულა შემატა. 

#Flashscore