კალათბურთი / NBA /
NBA დაიჯესტი - ჰეზონიამ ლებრონი არ დაინდო, ზაზას შედეგიანი მატჩი
03/18/2019 10:52
458

ნაციონალური საკალათბურთო ასოციაცია კვირა დღეს ადრეული მატჩით გაიხნსა. დღის მთავარი "ჰედლაინიც" სწორედ ეს გახლავთ. ნიუ იორკში ადგილობრივ ნიქსსა და ლოს ანჯელეს ლიკერსს შორის დაძაბული მატჩი გაიმართა, რომელიც მასპინძელთა გამარჯვებით, 124-123 დასრულდა. ლებრონ ჯეიმსმა თავის გუნდს 33 ქულა, 6 მოხსნა და 8 შედეგიანი გადაცემა შემატა, თუმცა შეხვედრის ბოლო წამებზე მატჩის მომგები "ლეი აფი" ვერ ჩააგდო და ლეიკერსმაც წააგო. ეპიზოდის მთავარი გმირი მარიო ჰეზონია გახლდათ, რომელმაც ლებრონს გამარჯვების მომტანი სროლა დაუფარა. ნიქსის შემადგენლობაში საუკეთესო კი ემანუელ მუდიეი გახდა, კონგოელმა გამთამაშებელმა 28 ქულას და 8 შედეგიან გადაცემას მოუყარა თავი.

ზაზა ფაჩულიას დეტროიტი შესანიშნავ მსვლელობას აგრძელებს! მიჩიგანში გამართულ შეხვედრაში პისტონსმა ტორონტო რაპტორსს 110-107 სძლია, ხოლო ქართველმა ცენტრმა 13 წუთში 11 ქულის, 3 მოხსნისა და 1 შედეგიანი გადაცემის მოგროვება მოახერხა. მასპინძელთა რიგებში გამორჩეული ტრადიციულად ბლეიკ გრიფინი (25ქ/8მ) და ანდრე დრამონდი (15ქ/17მ) გახლდნენ, ხოლო კავაი ლეონარდის 33 ქულამ და 10 მოხსნამ რაპტორსს ვერ უშველა. 

ჯოელ ემბიდის (40ქ/15მ/6პ) და იანის ანტეტოკუნმპოს (52ქ/16მ/7პ) დუელი შედგა ვისკონსინში. მილუოკი ბაქსმა ფილადელფია სიქსერსს უმასპინძლა და დაძაბულ ბრძოლაში, 125-130 წააგო. ემბიდისა და იანისის ბრძოლა ინდივიდუალური შედეგების მიხედვით ამ უკანასკნელის გამარჯვებით დასრულდა, თუმცა მატჩი სწორედ კამერუნელის გუნდმა მოიგო.

საოცარ ფორმაშია ჰიუსტონ როკეტსი. ჯეიმს ჰარდენის (20ქ/10პ) იშვიათი დაბალშედეგიანი შეხვედრა კრის პოლმა (25ქ/7მ/10პ) დააბალანსა და ტექსასელებმა შინ მინესოტა დიდი ანგარიშით, 117-102 დაამარცხეს.

მოიგო ლოს ანჯელეს კლიპერსმაც. ლუ უილიამსის (25ქ/6მ) და დანილო გალინარის (20ქ/11მ/5პ) ლიდერობით კალიფორნიელებმა შინ ბრუკლინ ნეთსი დაამარცხეს. დიანჯელო რასელის (32ქ/5მ/10პ) ბრწყინვალე მატჩის მიუხედავად ნეთსმა მეტოქესთან ვერაფერი გააწყო და 116-119 დამარცხდა.

მიუხედავად ლიდერების შესანიშნავი ფორმისა, დასავლეთ კონფერენციის პლეიფო რეისი ჯერ კიდევ არ დასრულებულა. მარვინ ბეგლის (21ქ/9მ) კარგი თამაშის შედეგად საკრამენტოში ადგილობრივმა კინგსმა ჩიკაგო ბულსს გადაუარა. სტუმართაგან საუკეთესო 18 ქულით ზაკ ლავინი გახლდათ, თუმცა ილინოისელები კალიფორნიის დედაქალაქში დიდი ანგარიშით, 102-129 დამარცხდნენ.

მოიგო ორლანდო მეჯიკმაც. ნიკ ვუჩევიჩის 27 ქულისა და 20 მოხსნის წყალობით ფლორიდელებმა შინ ატლანტა ჰოუქსი101-91 დაამარცხეს. სტუმართაგან ტრადიციულად გამოირჩა ტრეი იანგი (20ქ/6მ/5პ) თუმცა დაბალშედეგიან შეხვედრაში გამარჯვება მასპინძლებს ხვდათ წილად.

აღმოსავლეთ კონფერენციის პლეიოფის ბრძოლაც გახურებულია. მასში მონაწილეობის ერთ-ერთი მთავარი პრეტენდენტები, მაიამი ჰიტი და შარლონ ჰორნეთსი ერთმანეთს ფლორიდაში დაუპირისპირდნენ. მასპინძლებმა შეხვედრაში გარდატეხა ბოლო მეოთხედში შეიტანეს და გორან დრაგიჩის (19ქ) ლიდერობით ჰორნეთსი დიდი ანგარიშით, 93-75 დაამარცხეს.

#Flashscore