კალათბურთი / NBA /
არავისზე დაბლა - ჯა მორანტის გზა NBA-სკენ
03/22/2019 12:40
652

"მარტის სიგიჟე" გუშინ ღამით სრული ტემპით დაიწყო. ყველა ველით ზიონ უილიამსონს, ბიჭს, რომელიც თავისი ფიზიკური მონაცემებით, არანორმალური ათლეტიზმით და რეკორდული შედეგებით ლიგის დაპყრობას უმიზნებს. ზიონის შესახებ კალათბურთის ყველა გულშემატკივარს კარგად მოეხსენება, თუმცა გუშინდელი ღამე ზიონს არ ეკუთვნოდა, ის ჯა მორანტის გახლდათ, NCAA-ს ისტორიაში მერვე კალათბურთელის, რომელმაც ძირითად ტურნირზე სამმაგი დუბლის შესრულება მოახერხა. ვის გაუკეთებია ეს აქამდე? დუეინ ვეიდი, შაკილ ო'ნილი, დრეიმონდ გრინი... ცუდი კომპანია არ უნდა იყოს, არა?

"არავისზე დაბლა" - სწორედ ეს წერია მორანტის მარჯვენა მხარზე. ჯას კალათბურთი მამამ ასწავლა. კოლეჯის საშუალო დონის მოთამაშემ, რომელმაც შვილის დაბადების შემდეგ კალათბურთი მიატოვა და ოჯახის შესანახად "ბარბერობას" მიჰყო ხელი. "ჯა სამი წლიდან ვვარჯიშობს. ამ ასაკიდან მოყოლებული როგორც კი ბურთს დაინახავდა, უნდოდა იქ ყოფილიყო." მორანტი თამაშით სიამოვნებას იღებს. კარიერის ურთულესი პერიოდისგან ის სწორედ თამაშის სიყვარულმა იხსნა.

სკოლის ბოლო წლებში მორანტი ზიონ უილიამსონის და დევონტე შულერის წინააღმდეგ გამოდიოდა. მისი სროლა და პასის უნარი საკმაოდ შთამბეჭდავი გახლდათ, თუმცა კოლეჯებისგან შემოთავაზებები მაინც არ მოდიოდა. "ვფიქრობდი, რომ საკმარისად კარგი არ ვიყავი" - აცხადებს მორანტი.

მდგომარეობა 2017 წლის ზაფხულში შეიცვალა. მარეი სტეიტის ასისტენტი, ჯეიმს კეინი სპარტანბურგის სკოლას მსროლელი ტელვინ ბრაუნის დასაკვირვებლად ეწვია. მორანტი მის გეგმებში საერთოდ არ განიხილებოდა, თუმცა გამოცდილმა თვალმა ჯას თამაში მალევე შეამჩნია. როგორც კი კეინმა გაიგო, რომ მორანტი მეორე დღეს სწორედ ბრაუნის წინააღმდეგ ითამაშებდა, მან თავის ბოსს ქალაქში ჩამოსვლა სთხოვა. "როდესაც ჯამ 30 ქულა ჩამიგდო, კეინს ვუთხარი, რომ ის გამთამაშებლად მინდოდა" - აცხადებს ბრაუნი.

მარეი პატარა ქალაქია, 17 000 მოსახლით, რომელიც კალათბურთით ცხოვრობს. წარმატებული პირველი სეზონის შემდეგ "რეისერებმა" დივიზიონი მოიგეს და "მარტის სიგიჟეზე" კუთვნილი ადგილი დაიმკვიდრეს. გუშინ ღამით კი მორანტმა, რომელიც ნელ-ნელა ყველა სკაუტის დრაფტის სიაში მაღლა და მაღლა მიიწევს, ნაციონალური ტელევიზიის ეთერში კოლეჯის ერთ-ერთი გამორჩეული სკოლა მარკეტი და მისი გამთამაშებელი, მარკუს ჰოვარდი დაამარცხა. 

ზიონი ყველასთვის ნომერ პირველი არჩევანია და ამის შესახებ კითხვის ნიშნები ნამდვილად ზედმეტია, თუმცა... მორანტი ნებისმიერისთვის მეორე არჩევანის შესანიშნავი ვარიანტია. მისი თამაში რაჟონ რონდოს და რასელ ვესტბრუკის სტილზეა აგებული, მოთამაშეებზე, რომელსაც ის თავის თამაშს ფიზიკურ მონაცემებს ყველაზე მეტად ადარებდა. და მართლაც, საოცარი პასის უნარი, ზომის მიუხედავად შესანიშნავი ჩატენვები სწორედ ამ ორი მოთამაშის სტილის დიდი ნაერთია. ამას გარდა მორანტი სამქულიანს 34,2%-ით ისვრის და ბევრის აზრით ფიზიკური უნარების და ვარჯიშის შედეგად ეს პროცენტი გაცილებით გაიზრდება. 

როგორც თვითონ აცხადებს, არაფერი დამთავრებულა. "არავისზე დაბლა" - მორანტი 17 000-იან ქალაქს უკვე გასცდა და მსოფლიო დონის ვარსკვლავობას უმიზნებს...

 

#Flashscore