VIDEO დღეს ჩაბი ალონსოს დაბადების დღეა!

დღეს ლეგენდარული ესპანელი – ჩაბი ალონსო იუბილარია. ის 39 წლის გახდა. კარიერის განმავლობაში მას ნათამაშები აქვს ისეთ კლუბებში, როგორიცაა: სოსიედადი, ლივერპული, რეალი და ბაიერნი. სანაკრებო დონეზე მან ორჯერ მოიგო ევროპის ჩემპიონატი, ხოლო ერთხელ მსოფლიო თასიც აღმართა. რაც შეეხება საკლუბო ასპარეზს, მან პრაქტიკულად ყველაფრის მოგება შეძლო. გახდა ესპანეთისა და გერმანიის ჩემპიონი. აღნიშნულ ქვეყნებში მოიგო თასები და სუპერთასები. ლივერპულისა და რეალის მაისურით კი თითო–თითოჯერ შეძლო ჩემპიონთა ლიგის გამარჯვებული გამხდარიყო. მის მონაგარს ამშვენებს უეფას სუპერ თასიც. 

2003 წელს გახდა საუკეთესო ესპანელი ფეხბურთელი. 2012 წლის ევროპის ჩემპიონატზე, ის ტურნირის სიმბოლურ გუნდში მოხვდა. 2011–12 წლების სეზონში, ის ლა ლიგის საუკეთესო ნახევარმცველად დაასახელეს. 2013–14 წელს იყო ჩემპიონთა ლიგის სიმბოლური ნაკრების წევრი, ხოლო 2014–15 წლებში უკვე ბუნდესლიგის სეზონის საუკეთესო თერთმეტეულშიც დაიმკვიდრა ადგილი. 2011 წელს მას ესპანეთში სპორტის განვითარებაში შეტანილი განსაკუთრებული წვლილისთვის ოქროს მედალი გადასცეს. 

ჩაბიმ საფეხბურთო კარიერა მიუნხენის ბაიერნში 2017 წელს დაასრულა. 2018–19 წლებში წვრთნიდა მადრიდის რეალის ახალგაზრდულ გუნდს. ახლა კი სოსიედადის B გუნდის დამრიგებელი გახლავთ.