ფეხბურთი / პრემიერლიგა /
ინგლისურ კლუბებს იუვენტუსის შემტევის გადაბირება სურთ
04/08/2019 13:50
415

მანჩესტერ იუნაიტედი და ტოტენჰემი იუვენტუსის შემტევის, დუგლას კოშტას გადაბირებით არიან დაინტერესებულები. ფეხბურთელის მიმართ ინტერესს პსჟ-ც იჩენს.

როგორც Mirror წერს, ტურინული გრანდი მზად არის ბრაზილიელ გარემარბს შეელიოს, თუ მსურველი კლუბი მის სანაცვლოდ 45 მილიონ გირვანქას გადაიხდის.

აღსანიშნავია, რომ "წითელ ეშმაკებს" 28 წლის ფეხბურთელის გადაბირება ჯერ კიდევ ზამთარში სურდათ, მაგრამ მაშინ "ბებერმა ქალბატონებმა" მათ მიერ შემოთავაზებულ 54 მილიონ გირვანქაზე უარი განაცხადეს.

ამავე წყაროს ცნობით, ტურინელებს ზაფხულში დიდი სატრანსფერო გეგმები აქვთ და დამატებითი ფინანსების მოსაზიდად დუგლას კოშტას გაყიდვა გადაწყვიტეს.

#Flashscore