რაგბი / ქართული რაგბი /
დიდი 10-ის ფინალს ქართველი არბიტრი განსჯის
05/01/2019 18:12
150

ქართული სარაგბო სეზონი დასასრულს უახლოვდება. 5 მაისს, "რუსთავი არენაზე" მეორე ფინალსიტის ვინაობა გაირკვევა.

წინასწარ ფინალში ერთმანეთს ხარები და არმაზი დაუპირისპირდებიან, ხოლო მეორე ფინალისტი ბათუმია.

ფინალური შეხვედრა 12 მაისს გაიმართება, სადაც ქართველი არბიტრი, ნიკა ამაშუკელი იმსაჯებს.

დიდი 10-ის ისტორიაში ეს იქნება პირველი შემთხვევა, როცა დიდ ფინალში მთავარი არბიტრი ქართველი იქნება.

საქართველოს ჩემპიონატის გადამწყვეტ მატჩში ბოლოს ადგილობრივმა რეფერიმ 2006 წელს იმსაჯა. მას შემდეგ კი ფინალური მატჩის ბედს ფრანგ ან ირლანდიელ მსაჯებს ანდობდნენ.