ფეხბურთი / სხვა /
თბილისში ფან-კლუბებს შორის საფეხბურთო ჩემპიონატი გაიმართება
05/14/2019 12:41
545

თბილისში, ბელიაშვილის ქუჩაზე 18-19 და 25-26 მაისს ფან-კლუბებს შორის საფეხბურთო ჩემპიონატი ჩატარდება.

ტურნირი ორგანიზაცია "სპორტული თაობის" მიერ გაიმართება და მასში მონაწილეობას თორმეტი გუნდი მიიღებს, მათ შორის კი ოთხი ქართული კლუბის ფან-კლუბია.

მატჩები ბელიაშვილის #12-ში 16:00-22:00 საათზე გაიმართება და მსურველთათვის დასწრება თავისუფალი იქნება.

ჩემპიონატის კენჭისყრა 15 მაისს ჩატარდება, სადაც გუნდები სხვადასხვა ჯგუფებში გადანაწილდებიან.

ტურნირის გამარჯვებულ გუნდს ფულადი პრიზი გადაეცემა. საჩუქრებს დაარიგებენ ასევე ჩემპიონატის სპონსორებიც.

აღსანიშნავია, რომ "სპორტული თაობის" ორგანიზებით აღნიშნული ტურნირი თბილისში მეორედ იმართება.

ტურნირის ერთ-ერთი მხარდამჭერი კი "კროკობეთი" გახლავთ.

ფან-კლუბის ლიგის მონაწილე გუნდები:

ბათუმის დინამო;
ამერი;
თბილისის ლოკომოტივი;
საბურთალო;
იუვენტუსი;
ბარსელონა;
ვალენსია;
ლივერპული;
არსენალი;
იუვენტუსი;
მილანი;
ბრაზილია.