სხვა / სუმო /
არის! ტოჩინოშინის მეოთხე გამარჯვება
05/15/2019 12:37
668
Loading the player...

კიდევ ერთი, რიგით მეოთხე გამარჯვება მოიპოვა ქართველმა სეკივაკემ ტოჩინოშინმა. ნაცუ ბაშოს მეოთხე დღეს მისი მეტოქე მონღოლი სუმოტორი ტამავაში იყო, რომელიც ბოლო დროს ლევანისთვის უხერხულ მეტოქედ იქცა, თუმცა ჩვენმა მებრძოლმა კიდევ ერთხელ დაამტკიცა, რომ ბრწყინვალე ფორმაშია და მეტოქე იორიკირით დაამარცხა.

ტოჩის ბალანსი 4:0-ზე გაუხდა და მომდევნო ბრძოლას ხვალ კომუსუბი ჰოკუტოფუჯისთან გამართავს, რომელსაც ბალანსი 2:1-ზე აქვს.

შეგახსენებთ, რომ წლის მესამე ბაშოზე ტოჩინოშინს ოძეკის ტიტულის დასაბრუნებლად მინიმუმ 10 გამარჯვება სჭირდება, რისკენაც ლევანი ძალიან კარგი სვლით მიიწევს.

სასიხარულოა, რომ ჯურიო (რანგით მეორე) დივიზიონში მესამე ორთაბრძოლა მოიგო გაგამარუმ, რომელმაც კატოუოკის ჰატაკიკომის ილეთით სძლია და დადებითი ბალანსი კიდევ უფრო გაიმყარა.