სხვა / სხვა /
ტაიგერ ვუდსის მიზანი: 2020 წლის ტოკიოს ოლიმპიადაზე გამოსვლა
05/15/2019 15:50
219

მსოფლიოს ყველაზე ცნობილმა გოლფისტმა ტაიგერ ვუდსმა ტოკიოს 2020 წლის ოლიმპიურ თამაშებზე მონაწილეობის სურვილი გამოთქვა.

"ოლიმპიურ თამაშებში მონაწილეობა არასოდეს მიმიღია, თუმცა ახლა ამის დიდი სურვილი მაქვს. ვიცი, რომ შანსი არც თუ ისე დიდი მაქვს, თუმცა ძალიან კარგ ფორმაში ვარ და ვეცდები ეს მაქსიმალურად გამოვიყენო", - თქვა ვუდსმა.

ტაიგერმა მასტერსის ტურნირი 2019 წლის აპრილში მოიგო, მანამდე კი მისი ბოლო "დიდი" ტიტული 2008 წელს ამერიკის ღია პირველობაზე გამარჯვება იყო.

შეგახსენებთ, რომ გოლფი პირველად ოლიმპიადის პროგრამაში 1900-1904 წლებში მოხვდა და მას 112-წლიანი პაუზის შემდეგ 2016 წელს დაუბრუნდა.