ფეხბურთი / მსოფლიო ფეხბურთი /
აგუერო: "სანამ ის ფეხბურთს თამაშობს, "ოქროს ბურთს" იმსახურებს"
05/15/2019 18:20
768

მანჩესტერ სიტის არგენტინელმა ფორვარდმა სერხიო აგუერომ "ტვიტერზე" განმარტება გააკეთა.

მედიაში გავრცელებული ინფორმაციის თანახმად, აგუერომ განაცხადა, რომ "ოქროს ბურთი" მას ეკუთვნის, ვინც ჩემპიონთა ლიგის ფინალში გავიდა, ხოლო მესი და რონალდუ ამ ჯილდოს მიმდინარე სეზონში არ იმსახურებენ.

არგენტინელმა ფორვარდმა კი განმარტა, რომ მსგავსი რამ არასდროს უთქვამს და როდესაც საქმე "ოქროს ბურთის" არჩევანზე მიდის, ის ყოველთვის ლიონელ მესის აირჩევს.

"არ მიყვარს განმარტების გაკეთება, მაგრამ როდესაც ისეთ სიტყვებს მაწერენ, როგორიც არ მითქვამს, ამის გაკეთება მიწევს. სიმართლე რომ ვთქვა, მე ყოველთვის ერთსა და იმავე პასუხს ვცემ, სანამ მესი ფეხბურთს თამაშობს, მითუმეტეს ისე, როგორც მან ეს ამ სეზონში გააკეთა, ის "ოქროს ბურთს" იმსახურებს", - განმარტა კუნ აგუერომ.