რაგბი / ქართული რაგბი /
უმცროსი ბორჯღალოსნები არგენტინაში 25 მაისს გაემგზავრებიან
05/15/2019 21:16
301

15 მაისს, შევარდენის სარაგბო ბაზაზე, უმცროსმა ბორჯღალოსნებმა მსოფლიო ჩემპიონატისთვის მოსამზადებელი შეკრების ბოლო ღია ვარჯიში გამართეს. საქართველოს 20-წლამდე ნაკრები სანაკრებო ბაზაზე შეკრებას 21 მაისს დაასრულებს და 25 მაისს არგენტინაში გაემგზავრება.

შეგახსენებთ, რომ 4-22 ივნისს უმცროსი ბორჯღალოსნები არგენტინაში, მსოფლიო ჩემპიონის ტიტულისთვის იბრძოლებენ. 20-წლამდე მორაგბეთა მსოფლიო ჩემპიონატზე ორი ქალაქი, როსარიო და სანტა ფე უმასპინძლებს.

საქართველოს ნაკრები C ჯგუფში სამხრეთ აფრიკას, შოტლანდიასა და ახალ ზელანდიას ერკინება.