რაგბი / სუპერ რაგბი /
დენ კარტერმა "ოლ ბლექსში" დაბრუნებაზე კომენტარი გააკეთა
05/16/2019 1:01
316

ლეგენდარული ახალზელანდიელი მორაგბე, დენ კარტერი ნაკრებში მის შესაძლო დაბრუნებაზე გავრცელებულ ინფორმაციას გამოეხმაურა.

კარტერმა განმარტა, რომ ოპერაციის შემდეგ კონტაქტური ვარჯიშის განახლებას მხოლოდ ოქტომბერში თუ შეძლებს.

"გავრცელებულმა ინფორმაციამ, იმის შესახებ, რომ თითქოს მსოფლიო თასისთვის ნაკრებში დავბრუნდები, გამაცინა. ოპერაციის შემდეგ, რომელიც კისერზე გავიკეთე, კონტაქტურ ვარჯიშს, სავარაუდოდ ოქტომბერში დავუბრუნდები. თამაშს კი, შესაძლოა, მსოფლიო ჩემპიონატის ნახევარიფნალებისა და ფინალებისთვის დავუბრუნდე, რაც ცხადია, შესანიშნავი იქნებოდა, თუმცა ნაკლებსავარაუდო. ახლა მხოლოდ იმაზე ვარ ორიენტირებული, რომ რაც შეიძლება მალე გავიარო რეაბილიტაცია და დავასრულო ჩემი კონტრაქტი იაპონიაში.

"ოლ ბლექსში" საკმარისად არიან ნიჭიერი და ინდივიდუალური მოთამაშეები, რომლებსაც შეუძლიათ ტრავმირებული საკვანძო მორაგბეების ნაცვლად ითამაშონ. ჩვენ ასეთ მდგომარეობაში არაერთხელ აღმოვჩენილვართ და მსოფლიო თასი მოგვიგია. ეს ჩვენ დიდ თავდაჯერებას გვაძლევს", - განაცხადა დენ კარტერმა.