ქართული სპორტი / ქართული რაგბი /
საქართველოს ნაკრებმა ტონგა დაამარცხა! (ვიდეო)
11/24/2018 20:26
1262

საქართველოს ნაკრებმა წლის ბოლო მატჩი ჩაატარა, ჩვენი გუნდის მეტოქე რეიტინგში ჩვენზე წინ მყოფი ტონგა იყო.

ანგარიში მე-5 წუთზე სტუმრებმა გახსნეს, ტონგა საჯარიმო დარტყმით 9 ნომერმა სონატანე ტაკულუამ დააწინაურა, მანვე მე-17 წუთზე კუნძულელები 0:6 დააწინაურა.

ამას ქართველებმა 26-ე წუთზე მეტოქის 5 მეტრიან ზონაში მოგებული აუტით და შემდეგ დაყენებული მოლით უპასუხეს, რომელსაც ოთია გიორგაძე კარგად მოწყდა და ანგარიში მინიმუმამდე შეამცირა 5:6. თედო აბჟანდაძემ კი საკმაოდ მახვილი კუთხიდან გაიტანა გარდასახვა და უკვე ბორჯღალოსნები გავიდნენ წინ 7:6, პირველი ნახევარი ამ ანგარიშით დასრულდა.

 

მეორე ნახევარი, პირველის მსგავსად ტონგელთათვის კარგად დაიწყო და მათმა 9 ნომერმა კვლავ კარგად შეასრულა საჯარიმო 9:7. ამას ჩვენი გუნდის 8 ნომრის ბექა გორგაძის გასინბინება მოყვა და თოთქოს მეტოქეს უპირატესობა უნდა გაეზარდა, მაგრამ საპირისპიროდ 55-ე წუთზე თედო აბჟანდაძემ საჯარიმოთი კვლავ ჩვენი გუნდი დააწინაურა 10:9.

 

ტაკულუას კიდევ ერთხელ შეეძლო თავისი გუნდის დაწინაურება, თუმცა ძალიან ხელსაყრელი პოზიციიდან ვერ მოახერხა ამის გაკეთება. 75-ე წუთზე კი თედო აბჟანდაძემ ძალიან მნიშვნელოვანი საჯარიმო გაიტანა 13:9. გამარჯვებისთვის ტონგელებს მხოლოდ და მხოლოდ ლელო ესაჭიროებოდათ.

მეტოქეს უნდა შემოეტია, თუმცა ჩვენი გუნდი თავს იდეალურად იცავდა და მათ არანაირ შანსს არ უტოვებდა. საბოლოოდ ზურა ჟვანიამ 83 წუთზე ძალიან ლამაზი ლელო დადო, რაც თედო აბჟანდაძემ გარდასახა და საბოლოო ანგარიშიც დააფიქსირა 20:9 ბორჯღალოსანთა სასარგებლოდ.

#Flashscore