რაგბი / 4 ერი /
ფოლაუ ავსტრალიის რაგბის კავშირის გადაწყვეტილებას არ გაასაჩივრებს
05/20/2019 20:45
314

ისრაელ ფოლაუ ავსტრალიის რაგბის კავშირის მიერ მისი ეროვნული ნაკრებიდან მოკვეთის გადაწყვეტილებას არ გაასაჩივრებს.

ავსტრალიელმა მორაგბემ სოციალურ ქსელში დისკრიმინაციული პოსტი გამოაქვეყნა, რის გამოც რაგბის კავშირმა გუნდის ერთ-ერთი ლიდერი ეროვნული ნაკრებიდან მოიკვეთა. ფოლაუს კი გადაწყვეტილების გასაჩივრება 72 საათის განამვლობაში შეეძლო, თუმცა 30 წლის მორაგბემ ეს გადაწყვეტილება არ მიიღო. ნაცვლად გასაჩივრებისა, ისრაელმა განაცხადა, რომ მისთვის ღია ყველა პოტენციურ ვარიანტს განიხილავს.

"მე განვიხილავ ჩემთვის ღია ყველა პოტენციურ ვარიანტს. ჩემი გადაწყვეტილება, რომ ავსტრალიის რაგბის კავშირის გადაწყვეტილება არ გავასაჩივრო, არ ნიშნავს იმას, რომ განაჩენს ვაღიარებ და სამართლიანად მივიჩნევ. ვფიქრობ, ჩემში კიდევ ბევრი რაგბია და ავსტრალიის რაგბის კავშირის სავარაუდო გადაწყვეტილება ჩემს კარიერასა და რეპუტაციაზე აისახება", - განაცხადა ფოლაუმ.

შეგახსენებთ, რომ ავსტრალიის რაგბის კავშირმა ისრაელ ფოლაუს რამდენიმემილიონიანი კონტრაქტი შეუწყვიტა. ამავდროულად დისკრიმინაციული განცხადებისთვის მასთან სასპონსორო ხელშეკრულება Land Rover-მა და სპორტული ტანსაცმლის ბრენდმა, Asics-მა შეწყვიტეს.