ფეხბურთი / პრემიერლიგა /
მანჩესტერი პორტუგალიელ ვუნდერკინდში კოლოსალურ თანხას იხდის
05/20/2019 21:58
913

მანჩესტერ იუნაიტედი ზაფხულის სატრანსფერო ფანჯრისთვის ემზადება.

იუნაიტედი ზაფხულში ხმაურიან შეთავაზებას ამზადებს. "წითელ ეშმაკებს" ბენფიკას პორტუგალიელი ვუნდერკინდის, ჟოაუ ფელიშის შეძენა სურთ.

19 წლის ფელიში ბენფიკას პირველ გუნდში 2018/19 წლების სეზონში დაწინაურდა. მიმდინარე სეზონში პორტუგალიელმა ვუნდერკინდმა ბენფიკას შემადგენლობაში 43 მატჩი ჩაატარა, 20 გოლი გაიტანა და 11 საგოლე გადაცემა გააკეთა.

ბენფიკას 19 წლის შემტევი ნახევარმცველის გამოსასყიდი თანხა კი 105 მილიონ გირვანქა სტერლინგს შეადგენს, მანჩესტერული კლუბი კი მზად არის ფელიშში სწორედ ეს თანხა გადაიხადოს.

აღსანიშნავია, რომ ჟოაუ ფელიშით იუნაიტედის გარდა პრემიერ ლიგისა და ლა ლიგის გრანდებიც არიან დაინტერესებულნი. ფელიშის შეძენისთვის მანჩესტერ სიტი, მადრიდის რეალი და ატლეტიკოც იბრძოლებენ.

#Flashscore