სხვა / ძალოსნობა /
ლაშა ტალახაძე ბათუმის საპატიო მოქალაქედ დაასახელეს!
05/22/2019 18:56
344

ძალოსნობაში ოლიმპიურ, მსოფლიო სამგზის და ევროპის ოთხგზის ჩემპიონს, მსოფლიოს მრავალგზის რეკორდსმენ ლაშა ტალახაძეს ბათუმის საპატიო მოქალაქის წოდება მიენიჭა.

წოდების ოფიციალური ფორმულირება ასეთია: სპორტის განვითარებასა და პოპულარიზაციაში შეტანილი განსაკუთრებული წვლილისთვის.

აპრილში, ბათუმში გამართულ ევროპის ჩემპიონატზე ქართველმა გოლიათმა მეოთხედ მოიგო კონტინენტის უძლიერესი ძალოსნის ტიტული, ოქროს მედლისკენ გზაზე კი მან 5 მსოფლიო რეკორდი დაამყარა!

ბათუმის საპატიო მოქალაქის წოდება ქართველ სპორტსმენს ვიცე-მერმა თენგიზ პეტრიძემ მერიაში გადასცა. ოფიციალურ შეხვედრაზე ლაშას წარმატებები მიულოცეს. შეგახსენებთ, რომ 20 მაისს, მას მეორედ გადაეცა ძალოსნობის საერთაშორისო ფედერაციის პრიზი, როგორც მსოფლიოს წლის ძალოსანს.