რაგბი / საფრანგეთის Top 14 /
ტოპ 14-ში პლეიოფები 31 მაისს დაიწყება
05/25/2019 23:26
519

საფრანგეთის ტოპ 14-ში სარაგბო სეზონი დასასრულს უახლოვდება.

25 მაისს ტოპ 14-ის ბოლო ტურში მეოთდეფინალისტებისა და ნახევარფინალისტების ვინაობა გაირკვა.

პირველ მეოთხედფინალურ მატჩში 31 მაისს, თბილისის დროით 23:00 საათზე რასინგ 92 ლე როშელს დაუპირისპირდება, ხოლო მეორე დაპირისპირება 1 ივნისს, თბილისის დროით 19:00 საათზე ლიონსა და მონპელიეს შორის გაიმართება.

ნახევარფინალური შეხვედრები ბორდოში გაიმართება, სადაც ტულუზა და კლერმონი მეოთხედფინალში გამარჯვებულებს დაელოდება.

8 ივნისს, თბილისის დროით 23:00 საათზე რასინგსა და როშელს შორის გამარჯვებული ტულუზას შეხვდება, ხოლო 9 ივნისს, მეორე ნახევარფინალურ მატჩში კლერმონი ლიონისა და მონპელიეს წყვილში უძლიერესს დაუხვდება (18:30 საათი).

აღსანიშნავია, რომ პლეიოფში მონაწილე ექვსი გუნდიდან სამში ქართველი მორაგბეები ირიცხებიან. მეოთხედფინალისტთაგან რასინგ 92-ის ღირსებას გურამ გოგიჩაშვილი, ვასილ კოკოვინი და გია ხარაიშვილი იცავენ, ხოლო მონპელიეში ხუთი ქართველი, მიხეილ ნარიაშვილი, ლევან ჩილაჩავა, კოტე მიქაუტაძე, გელა აფრასიძე და უშანგი ჭეიშვილი ირიცხება. ნახევარფინალისტებიდან კი კლერმონში ბექა კაკაბაძე, დავით ზირაქაშვილი და ვიქტორ კოლელიშვილი თამაშობენ. თუმცა უნდა აღინშნოს, რომ თავის ტრავმის გამო კოლელიშვილს ოქტომბრის შემდეგ არ უთამაშია. როშელში კი ერთ-ერთი მწვრთნელი ქართველი აქვსენტი გიორგაძეა.

#Flashscore