ფეხბურთი / პრემიერლიგა /
მოურინიო და ვენგერი ერთად?
05/28/2019 11:18
565

არსენ ვენგერისა და ჟოზე მოურინიოს დამოკიდებულების შესახებ ყველას კარგად მოეხსენება. ეს ორი სპეციალისტი დიდი ხნის მანძილზე პრემიერ ლიგაში სპორტული მეტოქეები იყვნენ. ხშირად კი მათი ეს მეტოქეობა სპორტის ფარგლებსაც სცდებოდა. პორტუგალიელსაც და ფრანგსაც ერთმანეთი გულზე დიდად არ ეხატებოდათ, რაც მარტივი შესამჩნევი იყო, როგორც მატჩის წინა და შემდგომ პრესკონფერენციებზე, ისე მოედანზეც.

აღსანიშნავია, რომ ჟოზე მოურინიომ ერთ-ერთ ინტერვიუში კოლეგას "მარცხის სპეციალისტი" უწოდა. მათი ბოლო შეხვერა კი არსენალის მწვრთნელის რანგში არსენ ვენგერის "ოლდ ტრაფორდზე" ბოლო ვიზიტის დროს შედგა, სადაც პორტუგალიელმა სპეციალისტმა, მანჩესტერ იუნაიტედის ლეგენდარულ მწვრთნელთან სერ ალექს ფერგიუსონთან ერთად, მუსიე არსენს სიმბოლური საჩუქარი გადასცა.

დღეს კი გავრცელდა ინფორმაცია, რომ beIN SPORTS-ი აპირებს ჟოზე მოურინიომ და არსენ ვენგერმა ჩემპიონთა ლიგის ფინალის დღეს, როგორც საფეხბურთო ექსპერტებმა და კომენტატორის თანაწამყვანებმა, ერთად იმუშაონ. აღსანიშნავია, რომ ჟოზე მოურინიო "წითელი ეშმაკებიდან" წამოსვლის შემდეგ, beIN SPORTS-ში სპორტულ მიმოხმილველად მუშაობს. ასე და ამრიგად, 1 ივნისს მასპინძლის რანგში მყოფი ჟოზე, სტუმართან არსენ ვენგერთან ერთად წაიყვანს ლივერპულსა და ტოტენჰემს შორის ფინალურ მატჩს.

#Flashscore