ჩოგბურთი / ATP /
მარი Queen's Club-ზე იასპარეზებს
06/04/2019 11:47
342

ბრიტანელი ჩოგბურთელი ენდი მარი კორტს სავარაუდოდ "ქუინს ქლაბის" ტურნირზე დაუბრუნდება.

იანვარში გაკეთებული ბარძაყის ოპერაციის შემდეგ, მარიმ თებერვალში სახლის პირობებში ვარჯიში განაახლა. ამის ამსახველი ვიდეო ბრიტანელმა საკუთარ ინსტაგრამ გვერდზე გამაოქვეყნა.

ჯერჯერობით, მარი ერთეულთა თანრიგში დაბრუნებას არ ჩქარობს, თუმცა წყვილებში მისი თამაში თითქმის გადაწყვეტილია. მისი პარტნიორი კი ესპანელი ფელიციანო ლოპესი იქნება.

"ერთი სული მაქვს, როდის დავუბრუნები კორტს. "ქუინსი" ჩემთვის ყოველთვის განსაკუთრებული ტურნირია და იდეალური ადგილია დასაბრუნებლად. ეს ის ადგილია, სადაც ATP-ის პირველი ტურნირი მოვიგე და საერთო ჯამში, ჩემთვის ყველაზე წარმატებული შეჯიბრია.

ჯერ მზად არ ვარ, რომ ერთეულთა თანრიგში დავბრუნდე, თუმცა უკვე რამდენიმე თვეა ტკივილი აღარ მაწუხებს და ეს ATP-ის ტურში დაბრუნების კიდევ ერთი ნაბიჯია", - განაცხადა მარიმ.

#Flashscore