კალათბურთი / NBA /
პელიკანსის შანსი, შექმნას უპერსპექტიულესი გუნდი
06/11/2019 12:39
289

მედია აქტიურად წერს ნიუ ორლეანს პელიკანსის რეორგანიზაციასა და ენტონი დევისის სარფიანად გაცვლაზე. მოდით, დავალაგოთ, როგორი სცენარი შეუძლია განახორციელოს ამ გუნდს, რათა მიიღოს ძალიან, ძალიან პერსპექტიული გუნდი. რატომ პერსპექტივა? იმიტომ, რომ კლუბს 2019 წლის დრაფტზე აქვს პირველი პიკის არჩევის უფლება, ეჭვი კი არავის ეპარება, რომ ეს არჩევანი ზაიონ უილიამსონი იქნება. ეს ბიჭი არ შეიძლება შემადგენლობაში იყოს რიგითი "პაიკი", ამიტომ საჭიროა, მას მაქსიმალურად მოერგოს სისტემა, შესაბამისად, რეორგანიზაცია აქ შემთხვევითი ტერმინი ვერ იქნება.

დავიწყოთ და ჯერ ჩამოვაყალიბოთ რეალური გაცვლები:

1 - ენტონი დევისი - ლოს ანჯელეს ლეიკერსში.

ბრენდონ ინგრამი, ლონზო ბოლი, 2019 წლის NBA-ს დრაფტის მე-4 პიკი და ალექს კარუზო - ნიუ ორლეანს პელიკანსში.

ეს გაცვლა რეალურია, რადგან ზამთარში ლეიკერსი გაცილებით მეტს სთავაზობდა პელიკანსს, ახლა კი მსგავსი ტრეიდი, შესაძლოა, მართლაც განხორციელდეს.

2 - ჯრუ ჰოლიდეი, ფრენკ ჯექსონი, კრისტიან ვუდი, 2019 წლის მეორე რაუნდის ორი პიკი (37, 57), ლეიკერსის მე-4 პიკი და 2020 წლის მეორე რაუნდის პიკი - ვაშინგტონ უიზარდსში.

ბრედლი ბილი და 2019 წლის დრაფტის მე-9 პიკი - ნიუ ორლეანს პელიკანსში.

დედაქალაქელები მზად არიან, ასევე, ახალგაზრდული განახლებები დაიწყონ გუნდში და არც მალავენ, რომ ბრედლი ბილსაც შესწირავენ ამ ყველაფერს. ამ დროს რა ხდება? დრაფტზე გაცილებით უკეთეს პერსპექტივას იღებენ (4 პიკი), ასევე - ორით მეტ ახალგაზრდას და გამოცდილ გამთამაშებელს. რატომ ამხელა რესურსი პელიკანსიდან? - ეს ამ გუნდს არაფერს უკარგავს, თან, ერთგვარი გარანტიაა აღნიშნული ტრეიდის განსახორციელებლად.

ახლა ჩამოვაყალიბოთ გუნდი:

სასტარტო:

PG - ლონზო ბოლი

SG - ბრედლი ბილი

SF  - ბრენდონ ინგრამი

PF  - ზაიონ უილიამსონი

C    - იონას ვალანჩუნასი 

შესაძლოა, გაჩნდეს აზრი, რომ ზედმეტად ბევრ ინდივიდუალისტ დრიბლერს ვხედავთ (ლონზო, ბილი, ინგრამი), მაგრამ ეს ასე არ არის, განსაკუთრებით - ბოლისგან, რომელსაც, კარგი დრიბლინგის მიუხედავად, ძალიან უყვარს უბურთოდ მოძრაობა და მისი მინიმალური კონტროლი, რაც უკანახაზში ბრედლისა და ბრენდონს საშუალებას მისცემს, შეუზღუდავად გაათამაშონ. არასტანდარტული და საკმაოდ მოუხერხებელი სისტემაა მოწინააღმდეგისათვის.

იონას ვალანჩუნასი? - ზუსტად. აქ საჭიროა კარგი მომხსნელი ცენტრი, რომლის ინტელექტი და დისციპლინა კარგი მწვრთნელისათვის კლასიკური ცენტრის მაგალითი იქნება. პლუს ამას, რადგანაც სამ ქულიანის სტაბილურად კარგი მსროლელი გუნდში მხოლოდ ბრედლი ბილია, არ იქნება მიზანშეწონილი, მე-5 ნომერი მხოლოდ მოხსნაზე და დაცვაზე იყოს ორიენტირებული (ასეთ შემთხვევაში, დეანდრე ჯორდანზე უკეთესი ვარიანტი რთული მოსაძებნი იქნებოდა). იონასს აქვს Player Option მემფის გრიზლსთან, ანუ, შეუძლია დარჩეს და აიღოს 17 მილიონი, მაგრამ თუ ის ამაზე უარს იტყოდა პელიკანსიც 20 მილიონს შესთავაზებდა მხოლოდ 2 წლით, ეს უჭკუო გადაწყვეტილება არ იქნებოდა. ჯერ, ამ მოთამაშეს ამდენს არავინ შესთავაზებს, შემდეგ, ამ ხნის გასვლის შემდეგ, ხსენებული ახალგაზრდების ახალი კონტრაქტების დროც მოვა, ამ დროს კი ვალანჩუნასის ხელფასი ან გუნდში ყოფნა მხოლოდ კლუბის გადასაწყვეტი იქნება.

ეს არის სწრაფი, Wing-ებით დაკომპლექტებული გუნდი, სადაც, წესით, ბურთი ძალიან ჩქარა იმოძრავებს, ზუსტად ამ დროსაა საჭირო 3 წამიანში გამაგრებული ცენტრფორვარდი, რომელიც, ასე ვთქვათ, ხელს არ შეუშლის დანარჩენ 4-ს და აუცილებელ ბურთებს მარტივად გამოიყენებს.

თავისუფალი აგენტებიდან ვინ დაგვჭირდებოდა?

სეთ კარი და დიუეინ დედმონი.

პირველი მათგანი, შესაძლოა, ლიგის საუკეთესო "მეექვსე კაცების" კატეგორიაში არ გადის, თუმცა, ის ზუსტად ისაა, ვინც ლონზო ბოლის ღირსეული შემცვლელი იქნებოდა. რატომ? იმიტომ, რომ ისიც უბურთოდ იმოძრავებდა, მისი საქმე, ძირითადად, პერიმეტრიდან ტყორცნა იქნებოდა, ხელფასს მცირეს წაიღებდა (ისევე, როგორც დედმონი) და დაცვას საკმაოდ რესპექტაბელურად ითამაშებდა. რაც მთავარია, სეთი არ არის პრეტენზიული მოთამაშე, რომელსაც დიდი დრო სჭირდება მოედანზე საქმის გასაკეთებლად, ეს ლონზოს წუთებს საგრძნობლად გაზრდიდა.

იგივე, დიუეინი, კარგი დაცვით, სროლით, თუნდაც - სამ ქულიანის ხაზიდან, და ისევე ნაკლებად პრეტენზიული, როგორიც სეთ კარია.

ეს "სიამოვნება" ნიუ ორლეანს პელიკანსს, ყველაზე დიდი, 10 მილიონი დოლარი დაუჯდებოდა წელიწადში.

ვინ შეიძლება, იყოს მე-9 პიკი? - ნებისმიერ შემთხვევაში, დეანდრე ჰანთერის შანსიც აქვს გუნდს და რუი ჰაჩიმურასიც. ორივე ერთ სტილს თამაშობს, Twinner-ის სტილი, ანუ, ერთნაირად ეფექტურები არიან როგორც მსუბუქი, ისე მძიმე ფორვარდის პოზიციებზე. წარმოიდგინეთ, რამხელა პლიუსია, როცა ასეთი მოთამაშე შემოდის სათადარიგოთა სკამიდან. როგორც არ უნდა გავთვალოთ წლევანდელი დრაფტის შედეგები, პელიკანსს აქედან ერთ-ერთის არჩევის საშუალება მაინც ექნება.

ჰანთერი კარგი დამცველი და კარგი მსროლელია, დაახლოებით, თადეუშ იანგის სტილში.

ჰაჩიმურა ანტუან ჯეიმსონს ჰგავს, ნორმალურზე უკეთ ისვრის, ძალიან მაღალი დონის ლიდერია და პოსტ-მოძრაობებიც შეუძლია. მოხსნაში ორივე, მაქსიმუმ, ნორმალურია. სწრაფი ერთიცაა და მეორეც.

ჩამოვაყალობოთ "ბენჩი":

PG - სეთ კარი

SG - ითუონ მური

SF  - რუი ჰაჩიმურა ან დეანდრე ჰანთერი

PF  - (რუი ჰაჩიმურა ან დეანდრე ჰანთერი)

C    - დიუეინ დედმონი

ანუ, ჩვენ ბენჩიდან ვიღებთ სტაბილურად იმას, რაც, ცოტა არ იყოს, აკლია სასტარტო ხუთეულს - სროლა პერიმეტრიდან.

რეზერვი:

PG - ალექს კარუზო

SG - კენრიჩ უილიამსი

SF  - სტენლი ჯონსონი / ვინს კარტერი

PF  - ჩეიქ დიალო

C    - ჯალილ ოკაფორი

კარუზო, დიალო, ჯონსონი - ესენი შეზღუდული თავისუფალი აგენტები არიან და მათი ჯამური კოტრაქტი 5 მილიონსაც არ გასცდება. 

ვინს კარტერი მე-15 კაცის ფუნქციას შეასრულებდა და გუნდს გამოცდილებას შესძენდა (ზედმეტად ბევრი ახალგაზრდაა).

რაც შეეხება ოკაფორს, ის რეზერვისტად, უბრალოდ, ცოდოა, მაგრამ ვერც ამ შემადგენლობის სისტემაში ჯდება კარგად. შესაბამისად, გარკვეული დროის შემდეგ, გაცვლა მოუწევდა.

საბოლოო ვარიანტი (რიცხვები ნიშნავს წუთებს მოედანზე):

 

აქტიური

PG - ლონზო33--------სეთ კარი15

SG - ბილი37-------------მური11

SF  - ინგრამი37-------ჰაჩიმურა11

PF  - ზაიონი35---------ჰაჩიმურა13

C    - იონასი30---------დედმონი18

 

რეზერვი

PG - კარუზო

SG - კ.უილიამსი

SF  - სტენლი / კარტერი

PF  - დიალო

C    - ოკაფორი

 

მწვრთნელი - ალვინ ჯენთრი.