ფეხბურთი / პრემიერლიგა /
დაწყევლილი 7-იანი
06/11/2019 22:50
718

დღეს კრიშტიანუ რონალდუს მანჩესტერ იუნაიტედის დატოვებიდან 10 წელი გავიდა. ზუსტად 10 წლის წინ, მადრიდის რეალში პორტუგალიელი სუპერვარსკვლავის ტრანსფერი შედგა, რომელიც იმ დროისთვის სარეკორდო გამოდგა. "სამეფო კლუბს" რონალდუს ტრანსფერი 80 მილიონი ფუნტი დაუჯდა.

თამამად შეიძლება ითქვას, რომ კრიშტიანუ რონალდუ მანჩესტერ იუნატიედის ბოლო 7-იანი იყო, რომელმაც ეს მაისური ღირსეულად ატარა და ასევე დიდი 7-იანი, ლეგენდარული დევიდ ბექჰემი, ღირსეულად ჩაანაცვლა.

მას შემდეგ რაც პორტუგალიელმა "წითელი ეშმაკები" დატოვა,  7-ნომრიან მაისურს ერთგვარი თვალი ეცა. რონალდუს წასვლის შემდეგ, აღნიშნული მაისური ხუთმა ფეხბურთელმა მოირგო: მაიკლ ოუენი, ანტონიო ვალენსია, ანხელ დი მარია, მემფის დეპაი და ალექსის სანჩესი.

მათ არა თუ კრიშტიანუს ჩანაცვლება, არამედ სტაბილურად მაღალ დონეზე ასპარეზობაც კი ვერ მოახერხეს. ამას მათ მიერ პრემიერ ლიგაში გატანილი გოლების რაოდენობაც მოწმობს. ამ ფეხბურთელებმა ბოლო 10 წლის მანძილზე პრემიერ ლიგაში ერთად 15 გოლის გატანა მოახერხეს, რაც კატასტროფული შედეგია.

რაც შეეხება კრიშტიანუ რონალდუს მონაგარს, პორტუგალიელმა "წითელი ეშმაკების" მაისურით პრემიერ ლიგაში 196 მატჩი ჩაატარა და 84 გოლის გატანა მოახერხა.

#Flashscore