ფეხბურთი / მსოფლიო ფეხბურთი /
კეპა არისაბალაგა: "დე ხეასი კარგად მესმის"
06/11/2019 23:48
225

ლონდონის ჩელსის მეკარე კეპა არისაბალაგამ ესპანეთის ნაკრებში არსებულ კონკურენციაზე ისაუბრა.

ფარერებთან და შვედეთის ნაკრებთან მატჩში "ფურია როხას" კარს სწორედ კეპა იცავდა, რის გამოც მანჩესტერ იუნაიტედის კიპერს, დავიდ დე ხეას სათადარიგოთა სკამზე ჯდომა მოუწია:

"უამრავი ჭორისა თუ აზრის მოსმენა გვიწევს, რასაც ყურადღება არ უნდა მივაქციოთ.

ყველაფერს გავაკეთებ იმისათვის, რომ ჩემს ნაკრებს წარმატების მიღწევაში დავეხმარო.

ვიცი, რომ ვისაც კი მწვრთნელი ძირითადში დააყენებს, თავის მაქსიმუმს გაიღებს. კარგად მესმის დავიდ დე ხეასი, მაგრამ ჩვენ ისღა დაგვრჩენია, რომ თავდაუზოგავად ვივარჯიშოთ და ჩვენი შესაძლებლობები დავამტკიცოთ. არჩევანი კი მწვრთნელზეა". - განაცხადა კეპა არისაბალაგამ.